John 11:25 - Sa Ugud Apudyus

²⁵ Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

John 11:25 ပူးပေါင်းရင်းမြစ်များ

Luke 23:43

Ḵanan Jesus ḵan siya, “Ibagaḵ ḵan siḵa ḵatuttuwaan, sinsadi ye aḻgaw midogaḵa ḵan saḵon ad langit.”

John 1:4

Siya naḻpuwan ni biyag ya sa sanae biyag siya anilaw atta somsomoḵ da tagu.

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

John 5:26

Aḵ Amaḵ, siya angitod si biyag ḵad innatodna bos ḵan saḵone Abengna ḵaḻabbongaḵe angitod si biyag.

John 6:35

Ḵanan Jesus, “Saḵon maḵane angitod atte biyag aḵ inggana. Ḵad da umali ya amati ḵan saḵon, adidapun paat mauḻat ḵan mauwaw.

John 6:44

Naippun tagu'ḵ maḵaali ya amati ḵan saḵon nu adin Amaḵ we nangibuun ḵan saḵon iyadani. Ḵad da amati, taguwoḵ dida ḵasin si anungus ni aḻgaw.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 15:18

Ḵad isun os da nanḵaḵatoye namati ḵan Kristu, nataḻaḵda.

1 Corinthians 15:29

Sosomḵon taḵu ḵasin mataguwan da natoy. Nu daḵampun aḵ tuttuwae taguwon Apudyus da natoy, ngai anun ni nabonyagan da udum para'tta buḻundae natoy? Ngaipada bos mabonyagan mipagapu'tta natoy?

2 Corinthians 4:14

Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna.

Philippians 1:23

te tuttuwae naippun lin-awan ni somsomoḵḵu. Te pioḵ pagaye tenan annae lubung ta iyyaḵ maḵaigaw ḵan Kristu te amo nabaḻbaḻu.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

1 Thessalonians 4:14

Te nu amati taḵu we natoy aḵ Jesus woḵ ummuli, amati taḵu bose ibuḻun Apudyus ḵan Jesus da namati ye natoy.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 20:5

Sana umunae umuliyan da tagu. Da udume nanḵaḵatoy, adidapun umuli inggana'ḵ magangput sadi ye sillibu we tawon.

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:17

Ḵanan ni Ispiritu ya da tagunae mipani si asaw-on ni Ubbu we Karnero, “Awwaynu.” Ḵad ḵanan oḵyan os ni andodongngoḻ, “On, awwaynu.” Ngaimane mauwaw, umali oḵyan ta uminum atte libli ye danume angitod si biyag.