John 10:36 - Sa Ugud Apudyus

³⁶ Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 10:36 ပူးပေါင်းရင်းမြစ်များ

Matthew 27:43

Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.”

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

John 10:35

Nu ngannon Apudyus dida'ḵ Apudyus, ngai naḻpuwan ni Ugud Apudyus we ippun ambaliwana'ḵ inggana?

John 17:18

Sa nangibuunam ḵad ḵan saḵon si annae lubung isuna nangibuunaḵ atta disipuluḵ si lubung.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 19:7

Ḵanan da Judyu we summongbat, “Awad de lintogni ye ḵasapuḻane matoy aḵ Jesus te ngannona long-agna'ḵ Abeng Apudyus.”

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 3:34

Sa imbuun Apudyus, siya ugudona da Ugud Apudyus te innatod Apudyus Ispiritu Santu ḵan siyae ippun anungusna.

John 5:30

Naippun ḵaḻabbongaḵ ḵoon nu abusaḵ. Siya dongngoḵ da ibagan Amaḵ atte inoḵe anḵuwis ḵad ustu anḵuḵuwisḵu te siya unudoḵ pion ni nangibuun ḵan saḵone daḵampun atte pioḵ.”

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

John 6:38

Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.

John 6:69

Namati ḵani ḵan iniiggammuni ye siḵa nasantuwane imbuun Apudyus.”

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.