John 10:27 - Sa Ugud Apudyus

²⁷ Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 10:27 ပူးပေါင်းရင်းမြစ်များ

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 25:12

“Yaḵon summongbat ḵad laḻaḵi ye ankasar, ḵanana, ‘Ibagaḵ ḵan diḵayu ḵatuttuwaan, ippun igammuḵ ḵan diḵayu.’ ”

Matthew 7:23

Yaḵon sa ibagaḵ ḵan dida, ‘Ippun paat igammuḵ ḵan diḵayu! Inḵayun, diḵayu we adipun tumuttuwa'tta pinion Apudyus!’ ”

Mark 10:21

Naayatan aḵ Jesus we nangitotollong ḵan siya woḵ ḵanana, “Os-ossaan nangkurangam. Inḵa ingina da ḵuḵuwam ya ittom bayadda'tta ḵapus woḵ awad de binaḵnangnu we indulin Apudyus ad langit. Ḵad umaliḵa, tun-udonaḵ.”

Mark 8:34

Pun inayagan Jesus da adu we tagu ya da disipuluna woḵ ḵanana, “Ngaimane pionae angunud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Luke 13:27

Yaḵon asina ḵanan, ‘Annaya ibagaḵ ḵan diḵayu, ippun paat igammuḵ ḵan diḵayu ya sa naḻpuwanyu. Inḵayun, diḵayu losane angwa'tta lawweng!’

Luke 9:23

Pune sadi, ḵanan Jesus, “Ngaimane piona mitun-ud ḵan saḵon, ḵasapuḻane an-awidana long-agna, buḵudona de krosna'tte inaḻgaw ya mitun-ud ḵan saḵon.

John 10:14

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

John 10:16

Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

John 10:8

Losan atta ummun-una nu saḵon, aḵḵawanda ḵan tulisanda. Yaḵon adimpun da karneroḵ tinuttuwa dida.

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 21:22

Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

John 5:25

Ibagaḵ ḵan diḵayu ḵatuttuwaan, dummatong timpu we dongngon da natoy gingan ni Abeng Apudyus, ḵad da andongoḻ ya amati mataguda'ḵ inggana.

John 8:12

Ḵasin ḵad aḵ Jesus nan-ug-uggud atta adu we tagu ḵananae nangipani, “Saḵon silaw da tagu si annae lubung. Ḵad ngaimane angunud ḵan saḵon, adipun ogon inggaw atte giḵbot te nasilawan somsomoḵna ya maatod ḵan siya biyag aḵ inggana.”

John 8:43

Ngaipayu adi maawatan da ibagaḵ? Siya gay te ippun anusyu we andongoḻ.

Acts 3:23

Ngaimane adi tumuttuwa ḵan siya, misina'tta tagun Apudyus ta madusa'ḵ inggainggana.’

1 Corinthians 8:3

Yaḵon da angayat ḵan Apudyus, ibelang Apudyus dida'ḵ taguna.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

Hebrews 3:7

Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Revelation 14:4

Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.