John 10:26 - Sa Ugud Apudyus

²⁶ Yaḵon adiḵayupun amati te adiḵayupun nidoga'tta karneroḵ.

John 10:26 ပူးပေါင်းရင်းမြစ်များ

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 10:4

Illawana ḵad da karnerona, ummun-una ya mitun-udda ḵan siya te immatunanda gingana.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

John 6:65

Pinagatupana bos woḵ ḵanana, “Sana gapun ni nangibag-aḵ ḵan diḵayu we naippun ḵallamog umali ya amati ḵan saḵon nu adin Amaḵ iyunud.”

John 8:47

Da abeng Apudyus, ummanda dongngon da ugudona ya amatida'tta ibagana. Yaḵon daḵanḵayupun aḵ abeng Apudyus, siya adiyu angngoḻan ḵan amatiyan atta ugudona.”

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.