John 1:50 - Sa Ugud Apudyus

⁵⁰ Ḵanan os Jesus, “Gapu'tte imbagaḵe innilaḵ siḵa si puun ni de fig, amatiḵa ḵamman? Asim ilan da sindumallu we nakaskasdaaw nu sa anna.”

John 1:50 ပူးပေါင်းရင်းမြစ်များ

Matthew 13:12

Te sa anuttuwa si dingngoḻna, amo madog-an an-aawatna inggana'ḵ aduadu maawatana. Yaḵon sa tagu we adinapun ḵoon dingngoḻna, taḵon ay awad ḵan siya, maḵaan.

Matthew 21:19

Innilana ḵad ḵayu we fig si igid ni ḵaḻsa, ummoyna inadani nu awad bungana yaḵon naippun indasana, abus tubuna. Pun ḵanan Jesus si ḵayu, “Inggana sinsadi, adiḵa ogon amunga!” Pun daguse naḻ-uy sadi ye ḵayu.

Matthew 25:29

Te sa anuttuwa si dingngoḻna, amo madog-an an-aawatna inggana'ḵ aduadu da maawatana. Yaḵon sa tagu ḵade adinapun ḵoon dingngoḻna, taḵon ay awad ḵan siya, maḵaan.

Luke 1:45

Pianḵa te pinatime mituttuwa imbagan Apu ḵan siḵa.”

Luke 7:9

Dingngoḻ ḵad Jesus da imbagana, nataag woḵ ḵanana'tta nibuḻun ḵan siya, “Annaya ibagaḵ ḵan diḵayu, naippun paat indasaḵ aḵ tagu'ḵ ampigsapigsa pammatina'd Israel aḵ isun ni pammatin ni annae tagu.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 1:51

Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

John 11:40

Ḵanan Jesus, “Adiḵpun ḵamman imbagae nu amatiḵa, ilam madayawan Apudyus?”

John 20:29

Ḵanan Jesus ḵan siya, “Namatiḵa gapu ta innilam saḵon? Pian da adipun nangila ḵan saḵon yaḵon namatida.”