John 1:45 - Sa Ugud Apudyus

⁴⁵ Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”

John 1:45 ပူးပေါင်းရင်းမြစ်များ

Matthew 10:3

da Philip, Bartholomew, Thomas, aḵ Matthew we andadagup atta bugis, aḵ James we abeng Alphaeus, aḵ Thaddaeus,

Matthew 13:55

Daḵampun ḵamman si abeng ni karpentero? Daḵampun ḵamman ḵan Mary inana? Ḵad daḵampun ḵamman aḵ siya sunud da James, Joseph, Simon ya aḵ Judas?

Matthew 21:11

Ḵanan da tagu we nibuḻun ḵan Jesus, “Siya'ḵ Jesus we profeta we iNazareth si probinsiya'd Galilee.”

Mark 14:67

Innilana ḵad aḵ Peter we nan-aannidu, ḵanana, “Siḵa osa'tta buḻun Jesus we iNazareth.”

Mark 6:3

Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.

Luke 18:37

Ḵanandae summongbat, “Annae lumaus aḵ Jesus we iNazareth.”

Luke 2:4

Ummoy os aḵ Joseph we naḻpu'd Nazareth atte probinsiya'd Galilee nampalista'd Bethlehem atte probinsiya'd Judea te siya niyanaḵan Ari David we daḵdaḵoḻna.

Luke 2:48

Pun innilan ḵad da sin-abeng, nataagda bos. Ḵanan inana, “Ngaipam ay ḵoon ḵaḵna ḵan diḵani? Adimpun ḵamman igammu we nambimbinsaw ḵani ye nanaḻata ḵan siḵa?”

Luke 24:27

Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Luke 3:23

Sana nangisaḻdan Jesus we nantuttudu'tte batug di tuḻumpuḻu tawonna. Ḵad sa ḵasomsomḵan da tagu, siya abeng Joseph. Aḵ Joseph, siya abeng Heli.

Luke 4:22

Losan da tagu nan-ugud aḵ ambaḻu mipanggob ḵan Jesus te nataagda'tte allin-awae nan-uugudna. Inninggaw os da sin-aayutimtime ḵananda, “Daḵampun ḵamman aḵ siya abeng Joseph?”

John 1:44

Aḵ Philip ḵad iBethsaida we sa ilin da Andrew ḵan Peter.

John 12:21

Ummoyda ḵan Philip we iBethsaida we osae ili'tte probinsiya'd Galilee woḵ ḵananda, “Apu, pionni ye ilan aḵ Jesus.”

John 14:8

Ḵanan Philip, “Apu, ipailam ud ḵan diḵani'ḵ Amam ta mat-op ḵani.”

John 18:5

Ḵanandae summongbat, “Aḵ Jesus we iNazareth.” Ḵanan Jesus, “Saḵon.” Pun inninggaw aḵ Judas we angituyuḵ ḵan siyae sisiḵad si igawda.

John 18:7

Pun ḵanan os Jesus we nan-imus, “Ngai singtonyu?” Ḵananda bos, “Aḵ Jesus we iNazareth.”

John 19:19

Inninggaw os impaigilin Pilate we impaiggana'tte kros Jesus we ḵanana, “Jesus we iNazareth, Arin da Judyu.”

John 21:2

Nandatdatong da Simon Peter, Thomas we ngannonda Ḵapil, aḵ Nathanael we iCana si ili'tte probinsiya'd Galilee, da duwae abeng Zebedee ya da duwae disipuluna.

John 6:42

Ḵananda, “Daḵampun ḵamman aḵ siya Jesus we abeng Joseph? Igammu taḵu da amana ḵan inana. Ḵad ngaipana ḵanane naḻpu'd langit?”

John 6:5

Nammotwa ḵad aḵ Jesus, intapna da amode tagu we ḵumatam ḵan dida. Ḵanana ḵan Philip, “Dinu ngumin-an taḵu'ḵ ḵanonda?”

John 6:7

Ḵanan Philip ḵan siya, “Taḵon ay duwanggasute palata adinapun lamog mingina'ḵ tinapay aḵ maḵaḻnob ḵan dida taḵon ay nu sin-aḵ-itanda.”

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Acts 22:8

“Pun ḵanaḵe nan-imus, ‘Ngaiḵa, Apu?’ “Ḵanana, ‘Saḵon aḵ Jesus we iNazareth we ampaḵapaḵaḻamom.’

Acts 26:9

“Taḵon ay saḵon atte awe, simsimmoḵḵu we ḵasapuḻane iggaḵ ḵabooḻaḵe sumullagi'tta namati ḵan Jesus we iNazareth.

Acts 3:6

Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”