John 1:31 - Sa Ugud Apudyus

³¹ Taḵon ay saḵon, naippun igammuḵ nu ngai sanae umun-unud. Yaḵon ummaliyaḵ ta bonyagaḵ da tagu si danum ta mipaigammu'tta ganaḵ Israel.”

John 1:31 ပူးပေါင်းရင်းမြစ်များ

Matthew 3:13

Pun sa sadi ye timpu, dummatong aḵ Jesus we naḻpu'tte probinsiya'd Galilee woḵ ummoy si tawwang Jordan ta pabonyag ḵan John.

Matthew 3:6

Imbabaggada da basuḻda pun binonyagan John dida'tte tawwang Jordan.

Luke 1:17

Ḵad siya umuna nu aḵ Apu ya itton ni Ispiritu Santu ḵabooḻanae isuna innatodna ḵan Profeta Elijah we profeta we an-uuggudon Apudyus atte awe. Antimpuyugona somsomoḵ da an-amae nansubog ya ipaulina bos da lawwenge tagu ḵan Apudyus ta maun-unan da somsomoḵda. Ḵoona ḵaḵnat ta misaganada'tte dumaḵngan Apu.”

John 1:30

Siya imbagabagaḵ ḵanane, ‘Awad de umun-unud ḵan saḵone nangatngatu te inggaw atte daanḵu mibuḵnagan.’

John 1:32

Annaya panoḵnoḵ John si mipanggob ḵan Jesus. Ḵanana, “Naippun tuwa igammuḵ si annae umun-unud ḵan saḵon. Yaḵon sa nangibuun ḵan saḵon aḵ umoy ambonyag si danum ḵanana, ‘Sa ilame ansimpaan ni Ispiritu Santu ya inninggaw ḵan siya, siya angibonyag si Ispiritu Santu atta tagu.’ Ḵad innilaḵ Ispiritu we dummoḻae naḻpu'd langite isun di kalapati woḵ iinggaw ḵan siya.

John 1:7

Ummali ta taḵdoḻana mipanggob si sadi ye silaw ta mipagapu ḵan siya amati oḵyan da losane tagu.

Acts 19:4

Ḵanan Paul, “Sa bonyage intuttudun John, siya ambabawiyan da tagu'tta basuḻda ya agaydae angwa. Imbaganae amatida'tte umun-unud ḵan siyae aḵ Jesus.”