John 1:1 - Sa Ugud Apudyus

¹ Sa daan ni lubung maḵwaan, gagangaye inninggaw Ugud. Sa Ugud inninggaw ḵan Apudyus ya siya Apudyus.

John 1:1 ပူးပေါင်းရင်းမြစ်များ

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

Luke 24:53

Pun inaḻgawe umoyda'tte paway ni templo andaydayaw ḵan Apudyus.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 1:2

Inninggaw Ugud ḵan Apudyus atte daan ni lubung maḵwaan.

John 16:28

Naḻpuwaḵ ḵan Amaḵ ya ummaliyaḵ si annae lubung. Sinsadi, tenaḵ annae lubung ya iyyaḵ ḵan Amaḵ.”

John 17:5

Sinsadi Ama, mipauliyaḵ ḵan siḵa ya ipailam ḵinaapudyusḵu we isun ni nangipail-am si awe atte inninggawaḵ ḵan siḵa si daan ni lubung maḵwaan.

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

John 8:58

Ḵanan Jesus, “Ibagaḵ ḵan diḵayu ḵatuttuwaan, sa daan Abraham miyanaḵan, inninggawaḵ.”

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

Ephesians 3:9

Ḵad ipaḵaawatḵu'tta losane tagu inon ni planun Apudyus we mituttuwa. Aḵ Apudyus we nangwa'tta losan, adinapun impaigammu planuna si awe.

Philippians 2:6

Te awad ḵan siya gattoḵe ḵinaapudyus Apudyus, adinapun imbelange mipangtad long-agna ḵan Apudyus aḵ mausar para'tte bumaḻuwana

Colossians 1:15

Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

Colossians 1:17

Inninggaw aḵ Kristu si daan ni lubung maḵwaan ya siya aangdon atta losan ta mauḻnusda.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 13:8

Aḵ Jesu Kristu adipun ambalbaliw, yaḵon sumisissiya si awe, sinsadi ya aḵ inggana.

Hebrews 7:3

Naippun nigili si mipanggob ḵan amana ya aḵ inana ya taḵon ay da danaḵḵoḻna. Ḵad naippun os nigili si niyanaḵana ya sa natoyana. Mipani'ḵ Melchizedek si Abeng Apudyus we sumisissiyae padi'ḵ inggana.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 1:11

Ḵanana, “Igilim atte iblu da ilam ta idagasnu'tta pitu we gimung da namati'd Ephesus, Smyrna, Pergamum, Thyatira, Sardis, Philadelphia ya ad Laodicea.”

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,

Revelation 1:2

Inggiliḵ da losane nipaila ḵan saḵon. Ḵad pinanoḵnoḵaḵe tuttuwa Ugud Apudyus ya da impaigammun Jesu Kristu.

Revelation 1:8

Ḵanan Apu we Apudyus, “Saḵon nangadanan aḵ Alpha ḵan Omega. Saḵon Apudyus we maḵabooḻ atta losane inninggaw si awe, iinggaw sinsana ya aḵ inggana.”

Revelation 19:13

Nansilup atte langgoyode nilinong si daḻa ya sa nangngadanda ḵad ḵan siya, Sa Ugud Apudyus.

Revelation 2:8

Ḵanana bos, “Annaya isuḻatnu'tte anghel we angayyuwan atta namati ye magimugimung ad Smyrna, ‘Saḵon ummuna ḵan anguddidi. Saḵon os natoy woḵ ummuli. Annaya ibagaḵ ḵan diḵayu.

Revelation 21:6

Pun ḵanana, “Losan atta anna, nituttuwada. Saḵon nangadanan aḵ Alpha ḵan Omega, piona ḵanan, saḵon laplapu ya anungus ni losan. Ittoḵ atta mauwawe tagu danume naḻpu si bubune angitod si biyag aḵ ingganae ippun bayadna.

Revelation 22:13

Saḵon nangadanan aḵ Alpha ḵan Omega te saḵon ummuna ya anguddidi. Saḵon os laplapu ya anungus da losan.”

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.