James 1:18 - Sa Ugud Apudyus

¹⁸ Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

James 1:18 ပူးပေါင်းရင်းမြစ်များ

John 1:13

Sa nambalinanda'ḵ abeng Apudyus, daḵampun aḵ isuna miyanaḵ atte tagu ḵan pion da an-asawa yaḵon naḻpu si ḵabooḻan Apudyus.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

1 Corinthians 4:15

Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag.

2 Corinthians 6:7

Ḵad mipaila bos gapu'tte angituttuduwanni si ḵatuttuwaan ḵan ḵabooḻan Apudyus we ipailana mipagapu ḵan diḵani. Anna ḵan diḵani naun-unane antatagu gapu ḵan Kristu, siya isun di ispada ḵan ḵaḻasage usaronni ye maḵagubat atta bumusuḻ ḵan Apudyus.

Ephesians 1:12

ta mipagapu ḵan diḵani ye ummun-una nannamnama ḵan Kristu, madaydayaw ḵinaapudyusna.

Ephesians 1:13

Ḵad diḵayu bose niyossaan ḵan Kristu, dingngoḻyu ḵad ḵatuttuwaane Ugudna we sa Ambaḻu we Damag mipanggob atte mataguwanyu, namati ḵayu ḵan Kristu woḵ namaḻḵaan ḵayu si Ispiritu Santu we inkarina.

2 Timothy 2:15

Siḵa ḵad, iggam ḵabooḻame angituttudu si ḵatuttuwaane Ugud Apudyus ta umannamung aḵ Apudyus we isun ni anserbi ḵan Kristu we adinapun ibain ḵewaaḻna.

Hebrews 12:23

Umadani ḵani'tta losane namati ḵan Apudyus we mibelang aḵ panguḻu we abengnae andatdatong. Da nigili da ngadanda'd langit. Ḵad umadani ḵani ḵan Apudyus we anguwis atta losane tagu ya umadani ḵani'tta ḵalidodwan da naun-unane natoye da nambalinona'ḵ ippun angkuranganda.

James 1:15

Ḵad nu lumamut ya tumubu sanate amaamayona, siya ibungana basuḻ. Ḵad nu dumaḵodaḵoḻ sanate basuḻ, siya ibungana ḵatoy.

James 1:21

Pun an-awidanyu da losane ḵababbaine ugaliyu ya da amode ḵoḵoḵḵonyu. Ḵad ampakumbaba ḵayu ya awatonyu Ugude immuḻana'tta somsomoḵyu we maḵwae anagu ḵan diḵayu.

James 3:14

Yaḵon nu awad ḵan diḵayu amode apos ya ḵinnot, adiyu isḵaḻ ḵan sullagiyon ḵatuttuwaan.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

1 John 3:9

Sa abeng Apudyus, adinapun pagapagatupane bumasuḻ te sa biyag Apudyus iinggaw ḵan siya. Gapu ta nambalinon Apudyus aḵ abengna, adipun maḵwae pagapagatupanae bumasuḻ.

Revelation 14:4

Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.