Hebrews 9:9 - Sa Ugud Apudyus

⁹ Losan atta sana, awad de mipaniyana'tta ḵingwan Kristu ḵan ditaḵu sinsana. Te da atod ya da ayame indatun da papadi, adidapun lamog papoḻḵason somsomoḵ da andaydayaw.

Hebrews 9:9 ပူးပေါင်းရင်းမြစ်များ

Romans 5:14

Yaḵon inggan ni timpun Adam inggana'tte timpun Moses, losane tagu matoy, taḵon ay nu daḵampun aḵ isun ni basuḻ Adam da basuḻdae nilisalisna bilin Apudyus. Aḵ Adam siya isun ni asi umali ye siya'ḵ Jesus te sa nambanagan ni ḵingwan da duwa niyasaḵ atta losane tagu.

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Hebrews 10:11

Inaḻgawe osa'tta papadi intaḵdogna ḵingwa ḵewaaḻna ḵad iḵasiḵasinna idatun da isunae datun. Yaḵon adipun paat da datun maḵaḵaan atta basuḻ da tagu.

Hebrews 11:19

Te inigammun Abraham we lamog Apudyus taguwon da matoy. Pun tuttuwae isun di natoy aḵ Isaac te gongaton oḵyan Abraham yaḵon inggimaun Apudyus.

Hebrews 5:1

Te sa ḵangatuwane padi napili'tta asintataguna, ḵad siya nadutuḵan aḵ anserbi ḵan Apudyus gapu ḵan dida. Siya angidatun atta losane nansabasabali ye midatun ya da ayame midatun ḵan Apudyus gapu'tta basuḻda.

Hebrews 7:11

Ḵad igammu taḵu we innatod Apudyus lintog atta ganaḵ Israel we nibatay atte nandutuḵana'tta ganaḵ Levi we papadi. Sa ḵinapadin Levi adinapun lamoge angwa si tagu'ḵ maun-unan, ḵasapuḻane awad osa'ḵ padi ye umali ye isun ni ḵinapadin Melchizedek, we daḵampun aḵ isun ni ḵinapadin Aaron we ganaḵ Levi.

Hebrews 8:4

Nu awad aḵ Jesus atte annae luta sinsana, adipun maḵwae siya padi te annat da papadi ye angidatun atta atode nibatay atte lintog.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.