Hebrews 9:8 - Sa Ugud Apudyus

⁸ Ḵad gapu'tte sana, impaigammun ni Ispiritu Santu we adipun maḵwae lumnoḵ tagu si Ḵasantuwane kuwartu we igaw Apudyus, nu sissiyae mausar umunae kuwartun ni tulda.

Hebrews 9:8 ပူးပေါင်းရင်းမြစ်များ

Luke 1:80

Aḵ John ḵade abengna, dummaḵoḻ woḵ lummaing ya pummigsa pammatina. Inninggaw atte bumbummaaw inggana'ḵ dummatong tumoḵwaḻana ta antuttudu'tta ganaḵ Israel.

John 10:7

Pun ḵanan os Jesus we nangipani, “Ibagaḵ ḵan diḵayu ḵatuttuwaan, saḵon lewangane ayon da karnero.

John 10:9

Saḵon lewangan ḵad ngaimane angoy ḵan saḵon, matagu. Isuna karnero we maḵwae lumnoḵ ḵan lumawa ya umoy anggaḻab.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

Acts 28:25

Pun ummoyonda, nanggogwada ya nansosongbatda. Yaḵon sa daanda ayonan, iyyanungus Paul ḵanane, “Tuttuwa pagay impaigilin ni Ispiritu Santu ḵan Profeta Isaiah mipanggob atta danaḵḵoḻ taḵu we ḵanana,

Galatians 3:8

Nipadtu bos atte Ugud Apudyus we gapu'tte pammati, aḵ Apudyus angwa si maun-unan da Gentil si antotollongna te siya pion ni Ambaḻu we Damag ugudon. Sa annae Ambaḻu we Damag, sa naabuse imbagan Apudyus ḵan Abraham we nigili bos atte ugudna. Ḵanana, “Gapu ḵan siḵa, mabindisyunan da tagu'tta losane ili.”

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Hebrews 10:15

Ḵad sa Ispiritu Santu tinaḵdoḻana ditaḵu. Ummunae ḵanana,

Hebrews 3:7

Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Hebrews 9:3

Sa ḵumagwae kuwartu we naboḻdaḵ si kortina, sadi ngannonda Ḵasantuwane Kuwartu we para ḵan Apudyus.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.