Hebrews 9:28 - Sa Ugud Apudyus

²⁸ Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

Hebrews 9:28 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

John 14:3

Ḵad nu iyyaḵ isagana inggawanyu, mipauliyaḵ ḵasin ta aḻaḵ diḵayu ta sa igawḵu siya bos inggawanyu.

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

Romans 3:25

Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda.

Romans 5:15

Yaḵon nantoḵon da annae duwa te sa libli ye atod Apudyus daḵampun aḵ isun ni basuḻ ni ossaane tagu we aḵ Adam. Yaḵon amo dallu ḵinabaḻun Apudyus, ḵaḵnat os libli ye atodna'tta adu we tagu mipagapu'tte ḵinabaḻun ni osae tagu we aḵ Jesu Kristu.

Romans 6:10

Natoy ta madusa para'tta basuḻ taḵu. Namingsane abus natoy ḵad adipun paat miḵasiḵasin. Yaḵon sinsana natagu'ḵ inggana ta midayawan Apudyus.

Romans 8:23

Yaḵon daḵampun aḵ abusda'ḵ ampaḵaḻam te ampaḵaḻam taḵu bose inggawan ni Ispiritu Santu we sa ummunae atodna ḵan ditaḵu we amati. Umayuwong taḵu si anguuwayan taḵu'tte timpu we angipail-an Apudyus we ditaḵu abengna nu dumatong angobosana'tta long-ag taḵu si baru we long-age adipun matoy.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

1 Corinthians 1:7

ta ippun angkuranganyu'tta ngaimane naispirituwane ḵabooḻan si anguuwwayanyu'tte mipauliyan Apu taḵu we Jesu Kristu.

1 Corinthians 15:54

Nu ḵatti ye maḵwae mapasantan long-ag taḵu we maḻpos atte long-age adipun maḻpos, sa long-ag taḵu we matoy mapasantan atte annanayune adipun matoy. Ḵad sadi mituttuwaan ni nigili ye Ugud Apudyus we ḵanana, “Naippun ogon ḵabooḻan ni ḵatoy te naabaḵ.”

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

2 Thessalonians 2:1

Susunudḵu ḵan Kristu, ipaigammuni ḵan diḵayu mipanggob atte ḵasine umaliyan Apu taḵu we Jesu Kristu ya sa andaḵdaḵngan taḵu we angabot ḵan siya. Ḵodawonni susunude

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 12:14

Pangganyu allin-awae maḵabuḻbuḻunanyu'tta losane tagu ya mitotoḵḵon ḵayu'ḵ taguna ta bumaḻu ugaliyu te nu adi tagu ḵaḵnat adinapun ilan aḵ Apu.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

Hebrews 7:27

Daḵampun aḵ isun da udume ḵangatuwane papadi ye inaḻgawe andatun ḵan Apudyus, gapu'tte basuḻna ya da basuḻ da tagu. Yaḵon aḵ Jesus, namingpingsane indatunnae mismu long-agna ḵad lamogna'ḵ bayad da basuḻ da tagu'ḵ inggana.

Hebrews 9:25

Daḵampun aḵ nillumnoḵ ad langit ta iḵasiḵasinna idatun long-agnae isun ni ḵangatuwane padin da Judyu we tinawone lumnoḵ si Ḵasantuwane Kuwartu we umoy angidatun atte daḻan da ayam.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

2 Peter 3:12

si anguuwayanyu si aḻgawe anguwisan Apudyus atta tagu. Iggayu oḵyan ḵabooḻanyu ta pumogos umaliyan ni sanae aḻgaw. Pun tuttuwae sa sanate aḻgaw, masgob langite sa igaw ni init, sa soḻag ya da bituwon ya bunason ni apuy dida.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.

Jude 1:21

Popotpotanyu ayat Apudyus ḵan diḵayu si anguuwwayanyu si biyag aḵ inggana'd langite itton Jesu Kristu we Apu taḵu gapu si ḵadaguna.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.