Hebrews 9:23 - Sa Ugud Apudyus

²³ Ḵad losan atta sanae banag isun di iglatun da awad ad langit, ḵad ḵasapuḻane pumoḻḵasda gapu'tte ḵatti ye datun. Yaḵon da awad ad langit, ḵasapuḻane pumoḻḵasdae nabaḻbaḻu we midatun nu da anna.

Hebrews 9:23 ပူးပေါင်းရင်းမြစ်များ

Luke 24:26

Maawatanyu oḵyane ḵasapuḻane sa Kristu umunae ampaḵaḻam ya asiyot midayaw.”

Luke 24:46

Ḵanana ḵan dida, “Annaya nigili: Ḵasapuḻane ampaḵaḻam ya matoy Kristu ḵad matagu'tte miḵaḵlu we aḻgaw.

John 14:3

Ḵad nu iyyaḵ isagana inggawanyu, mipauliyaḵ ḵasin ta aḻaḵ diḵayu ta sa igawḵu siya bos inggawanyu.

Acts 23:15

Pun diḵayu ya da ḵuḵunsisaḻ, angibuun ḵayu'ḵ umoy angibaga si kumander ta idatongda'ḵ Paul sina ta sumaḻyaondae ustu mipanggob atte ḵasusna. Ḵad inḵani bangabangon si daḻan ta gongatonni si daanna dumaḵngan sina.”

Colossians 2:17

Losan atta sana, abuse aniniwan da dumatong si umali ye aḻgaw yaḵon sinsadi dummatong aḵ Kristu we mituttuwaan da pion da sadi ye banag ḵanan si naḻaḵpuse aḻgaw.

Hebrews 10:1

Sa Lintog ḵad Moses aniniwan da ambaḻu we banage dumatong, daḵampun aḵ tuttuwae ḵais-isun da annae ḵatuttuwaan. Pun taḵon ay tinawone pagapagatupan da andaydayaw ḵan Apudyus we angidatun si imbilin ni lintog, adipun maḵwae ambalin da tagu'ḵ ippun angkuranganda mipagapu'tta datun.

Hebrews 10:4

Te adimpun ni daḻan ni laḵi ye baḵa ḵan kalding lamog ḵaanon basuḻ.

Hebrews 8:5

Sa ḵewaaḻ da papadi ḵais-isu ḵan aniniwan ni awad ad langit si igaw Apudyus. Te annapune ḵoon oḵyan Moses tuldae andaydayawanda, binagbagaan Apudyus woḵ ḵanana, “Ḵasapuḻane ummam unudon da losan sigun si ḵais-isun ni impailaḵ ḵan siḵa'tte inninggawam si beleg.”

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.