Hebrews 9:11 - Sa Ugud Apudyus

¹¹ Yaḵon ummali'ḵ Kristu we ḵangatuwane padi atte amo nabaḻbaḻu we Baru we Tuḻage inggangputna. Siya ḵad, sa anserbiyanae igaw sa tuttuwae igaw Apudyus ad langite nangatngatu ya simbumaḻu nu sa Ḵasantuwane Kuwartu si tulda si awe te sa anserbiyanae igaw daḵampun aḵ ḵingwan di tagu ya naippun si annae lubung.

Hebrews 9:11 ပူးပေါင်းရင်းမြစ်များ

Matthew 11:3

ta umoyda an-imus ḵan Jesus, ḵananda, “Siḵa pagay inkarin Apudyus we umali baḵon nu awad udum aḵ uuwayonni?”

Matthew 2:6

“ ‘Diḵayu we awad si ili'd Bethlehem atte saḵubna'd Judea, sa iliyu ḵapatogan si madaydayawe ili'd Judah te da ganaḵyu maḻpuwan ni angipangat ya angayyuwan atta taguḵe ganaḵ Israel.’ ”

Mark 14:58

“Dingngoḻni inugudnae dadailona annae templo we ḵingwan da tagu ya taḵadona si unog di tuḻun aḻgaw osae templo we daḵampun aḵ tagu anaḵad.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 4:25

Pun ḵanan ni bubai, “Igammuḵe dumatong Messiah we awaganda'ḵ Kristu ḵad nu umali ipaigammuna ḵan ditaḵu da ngaiman.”

Acts 7:48

“Yaḵon aḵ Apudyus we Ḵangatuwan, daḵampun aḵ inggaw atte boḻoye tinaḵad di tagu te sa ḵanan ni profeta,

2 Corinthians 4:18

Te daḵampun aḵ siya gamgamanni da banage maila sina'd luta te amungtuda. Yaḵon da banag ad langite adipun maila, ippun anungusda.

2 Corinthians 5:1

Pun igammu taḵu we taḵon ay nu matoy long-ag taḵu we isun ni boḻoy taḵu'd lutae madadail, awad de boḻoye maatod ḵan ditaḵu'd langite sa baru we long-age itton Apudyus. Daḵampun aḵ ḵingwan di tagu te ḵingwan Apudyus we mismu ya ippun patinggana.

Colossians 2:11

Ḵad gapu'tte niyossaananyu ḵan siya, isunan nasogyatan ḵayu. Daḵampun atte sogyate ḵingwan di tagu yaḵon sa sogyate ḵingwan Kristu, isunan sinogyatan diḵayu si nangaanana'tta ugaliyu.

Hebrews 10:1

Sa Lintog ḵad Moses aniniwan da ambaḻu we banage dumatong, daḵampun aḵ tuttuwae ḵais-isun da annae ḵatuttuwaan. Pun taḵon ay tinawone pagapagatupan da andaydayaw ḵan Apudyus we angidatun si imbilin ni lintog, adipun maḵwae ambalin da tagu'ḵ ippun angkuranganda mipagapu'tta datun.

Hebrews 12:27

Sa piona ḵanan, maḵaan da losane ḵingwanae mayugayug ḵad iinggaw da adipun mayugayug.

Hebrews 13:14

Te daḵampun si annae lubung inggawan taḵu'ḵ inggana yaḵon siya singsington taḵu siyudade inggawan taḵu si umali ye aḻgaw.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 7:1

Aḵ Melchizedek ḵad, siya ari'd Salem si awe ya osa'tta padin ni Ḵangatuwane Apudyus. Sa ummoy Abraham naḵagubatan, illogna da opate ari. Nangulin ḵad, inabot Melchizedek woḵ bindisyunana.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

2 John 1:7

Te lummoswa da adu we umallelaw si annae lubung. Adidapun bigbigone aḵ Jesu Kristu nambalin aḵ tuttuwae tagu'tte ummaliyana si lubung. Da ḵaḵnate tagu, umallelawda ya ḵabusuḻ Kristu dida.