Hebrews 8:8 - Sa Ugud Apudyus

⁸ Yaḵon igammun Apudyus we awad de nangkurangan da tagu te ḵanan ni nigili si Ugudna, “Ḵanan Apu we dumatong timpu we angwaaḵ aḵ baru we tuḻag atta ganaḵ Israel ya da iJudah.

Hebrews 8:8 ပူးပေါင်းရင်းမြစ်များ

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Mark 14:24

Ḵanan Jesus, “Sana daḻaḵe amanoḵnoḵ atte Baru we Tuḻag Apudyus atta tagu. Nu matoyaḵ, pumoy-as daḻaḵ ta mapakawan da adu we tagu.

Luke 17:22

Pun ḵanana'tta disipuluna, “Dumatong timpu we pionyu ilan Abeng Di Tagu taḵon ay sin-aḵitan yaḵon adiyupun maila saḵon.

Luke 22:20

Naabus ḵade ḵinanda, innaḻana bos sintasae bayase grape woḵ ḵanana, “Sa annae natasae bayas, sana Baru we Tuḻag Apudyus atta tagu we amanoḵnoḵ atte daḻaḵe pumoy-as nu matoyaḵ para ḵan diḵayu.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

1 Corinthians 11:25

Nagangputda ḵade nangan, innaḻana bos sintasae bayase grape woḵ ḵanana, “Sa annae natasae bayas, siya Baru we Tuḻag Apudyus atta taguna. Ḵad sa daḻaḵ, siya amanoḵnoḵ atte sadi ye tuḻag. Ḵad nu inumonyu, pasigyu ḵoon ḵaḵna ta angiḵagasmoḵanyu ḵan saḵon.”

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 7:22

Gapu'tte annae inkarina, aḵ Jesus ambaline angitaḵdoḻ atte nabaḻu we tuḻag Apudyus atta tagu nu sa dadaan.

Hebrews 8:13

Sa imbagan Apudyus mipanggob si Baru we Tuḻag, imbelangna ummunae tuḻag aḵ dadaan. Ḵad ngaimane dadaan ya ippun serbina mawawan.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.