Hebrews 8:7 - Sa Ugud Apudyus

⁷ Te nu ippun angkurangan ni ummunae tuḻag Apudyus, adipun oḵyan masapuḻ ḵumagwae tuḻag.

Hebrews 8:7 ပူးပေါင်းရင်းမြစ်များ

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Hebrews 7:11

Ḵad igammu taḵu we innatod Apudyus lintog atta ganaḵ Israel we nibatay atte nandutuḵana'tta ganaḵ Levi we papadi. Sa ḵinapadin Levi adinapun lamoge angwa si tagu'ḵ maun-unan, ḵasapuḻane awad osa'ḵ padi ye umali ye isun ni ḵinapadin Melchizedek, we daḵampun aḵ isun ni ḵinapadin Aaron we ganaḵ Levi.

Hebrews 7:18

Pun niwalin dadaane lintog te anḵuya ya naippun anuna.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.