Hebrews 8:13 - Sa Ugud Apudyus

¹³ Sa imbagan Apudyus mipanggob si Baru we Tuḻag, imbelangna ummunae tuḻag aḵ dadaan. Ḵad ngaimane dadaan ya ippun serbina mawawan.

Hebrews 8:13 ပူးပေါင်းရင်းမြစ်များ

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

Luke 22:20

Naabus ḵade ḵinanda, innaḻana bos sintasae bayase grape woḵ ḵanana, “Sa annae natasae bayas, sana Baru we Tuḻag Apudyus atta tagu we amanoḵnoḵ atte daḻaḵe pumoy-as nu matoyaḵ para ḵan diḵayu.

1 Corinthians 13:8

Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

Hebrews 1:11

Ḵad taḵon ay nu mawawan da losane ḵingwam, iinggawḵa'ḵ inggainggana. Yaḵon da ḵingwam madinosdae isun di silup.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 7:22

Gapu'tte annae inkarina, aḵ Jesus ambaline angitaḵdoḻ atte nabaḻu we tuḻag Apudyus atta tagu nu sa dadaan.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.

Hebrews 8:8

Yaḵon igammun Apudyus we awad de nangkurangan da tagu te ḵanan ni nigili si Ugudna, “Ḵanan Apu we dumatong timpu we angwaaḵ aḵ baru we tuḻag atta ganaḵ Israel ya da iJudah.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.