Hebrews 8:10 - Sa Ugud Apudyus

¹⁰ Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

Hebrews 8:10 ပူးပေါင်းရင်းမြစ်များ

Matthew 22:32

Ḵanana, ‘Saḵon aḵ Apudyus we Apudyus da Abraham, Isaac ya aḵ Jacob.’ Sa piona ugudon, siya Apudyus da matattagu, daḵampun aḵ Apudyus da natoy.”

Romans 11:27

Ḵad sadi intuḻagḵu ḵan didae pakawanoḵ da basuḻda.”

1 Corinthians 6:16

Adiyupun ḵamman igammu we nu miyadaḻug ay osae tagu'tte puta, ambalinda'ḵ ossaane long-ag? Te sa ḵanan ni nigili ye Ugud Apudyus, “Da duwa nambalinda'ḵ ossaane long-ag.”

2 Corinthians 3:3

Ipailayu si antataguyu we diḵayu isun di suḻate inggilin Kristu mipagapu ḵan diḵani. Ḵad daḵampun aḵ lapis inusar ni nangigili yaḵon sa Ispiritun ni matattagu we Apudyus. Ḵad daḵampun aḵ batu nigiliyana yaḵon da pusuyu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 11:16

Yaḵon siya amaamayonda nabaḻu we ili ye siya'd langit. Pun sadi gapunae adipun mabain aḵ Apudyus si awaganda'ḵ Apudyusda te insaganaana dida'ḵ siyudad ad langit.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

James 1:21

Pun an-awidanyu da losane ḵababbaine ugaliyu ya da amode ḵoḵoḵḵonyu. Ḵad ampakumbaba ḵayu ya awatonyu Ugude immuḻana'tta somsomoḵyu we maḵwae anagu ḵan diḵayu.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.