Hebrews 7:25 - Sa Ugud Apudyus

²⁵ Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 7:25 ပူးပေါင်းရင်းမြစ်များ

John 14:13

Ḵad ngaimane ḵodawonyu mipagapu'tte ḵaḻabbongaḵ, ḵooḵ ta midayaw Ama mipagapu'tte Abeng.

John 14:16

Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Romans 5:2

Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Ephesians 3:12

Pun maḵwa antuḻod taḵu we umadani ya alluwaḻu ḵan Apudyus mipagapu'tte niyossaanan taḵu ḵan Kristu Jesus ya sa pammati taḵu ḵan siya.

Ephesians 3:20

Madaydayaw oḵyan aḵ Apudyus aḵ inggainggana gapu si losane ḵingwana mipagapu si nan-ossaanan da namati ya mipagapu ḵan Jesu Kristu. Siyae mismu angwa si ummamdan aḵ adayu nu sa ngaimane ḵodawon taḵu ḵan somsomḵon taḵu mipagapu si ḵabooḻana ḵan ditaḵu. Amen.

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

1 Timothy 2:5

Te ossaan aḵ Apudyus ḵan ossaan os angiyugud ḵan Apudyus ya da tagu. Siya'ḵ Jesu Kristu we nambalin aḵ tagu.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

Hebrews 11:6

Ḵad nu ippun pammatin ni osae tagu, adipun paat mas-om aḵ Apudyus ḵan siya. Te ngaimane umadani ḵan Apudyus, ḵasapuḻane patiyonae gungunaana da angngit ḵan siya.

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

Hebrews 2:18

Pun sinsadi, gapu ta napadasanae nampaḵaḻam ḵan nasulisug, maḵwae bumadang atta nasulisug ḵan Satan.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

Hebrews 7:16

Nambalin aḵ padi mipagapu si ḵabooḻan ni biyage ippun patinggana, daḵampun aḵ gapu'tte lintoge mipanggob atte ḵapuun.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

Hebrews 7:24

Yaḵon aḵ Jesus matattagu'ḵ inggana, ḵad sissiya ḵinapadina'ḵ inggana.

Hebrews 7:8

Da papadi ganaḵ Levi we nangaḻa'tte ḵasimpuḻun ni apit da tagu, tagudae matoy. Yaḵon aḵ Melchizedek we nangawat si ḵasimpuḻun ni apit ḵan Abraham, matattagu te siya imbagan ni Ugud Apudyus.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.