Hebrews 7:24 - Sa Ugud Apudyus

²⁴ Yaḵon aḵ Jesus matattagu'ḵ inggana, ḵad sissiya ḵinapadina'ḵ inggana.

Hebrews 7:24 ပူးပေါင်းရင်းမြစ်များ

John 12:34

Pun ḵanan da amode tagu, “Sa igammuni'tte lintog taḵu, aḵ Kristu matagu'ḵ inggana. Pun ngai inonae ḵaname ḵasapuḻane mipangatu Abeng Di Tagu? Ngai ḵad ain annae Abeng Di Tagu?”

Romans 6:9

Igammu taḵu we gapu ta ummuli'ḵ Jesu Kristu, adipun ogon matoy te naippun ogon ḵabooḻan ni ḵatoy ḵan siya.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

Hebrews 13:8

Aḵ Jesu Kristu adipun ambalbaliw, yaḵon sumisissiya si awe, sinsadi ya aḵ inggana.

Hebrews 7:28

Te sa lintog Moses, awad da tagu we madutuḵan aḵ ḵangatuwane padi, taḵon ay nu anḵuyada. Yaḵon mipagapu si inkarin Apudyus we umun-unud nu sa lintog, dinutuḵana Abengna we ḵangatuwane padi ye ippun basuḻna'ḵ inggainggana.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.