Hebrews 7:14 - Sa Ugud Apudyus

¹⁴ Te nalawage naḻpu Apu taḵu'tta ganaḵ Judah ḵad naippun imbagan Moses mipanggob atta ḵinapadin da ganaḵ Judah.

Hebrews 7:14 ပူးပေါင်းရင်းမြစ်များ

Matthew 2:6

“ ‘Diḵayu we awad si ili'd Bethlehem atte saḵubna'd Judea, sa iliyu ḵapatogan si madaydayawe ili'd Judah te da ganaḵyu maḻpuwan ni angipangat ya angayyuwan atta taguḵe ganaḵ Israel.’ ”

Luke 1:43

Ngai ḵad ain patogḵu we bisitaom, siḵae inan ni Apuḵ?

Luke 3:33

Aḵ Nahshon, abeng Amminadab we abeng Admin. Aḵ Admin, abeng Arni ye abeng Hezron. Aḵ Hezron, abeng Perez, we abeng Judah.

John 20:13

Ḵananda ḵan Mary, “Bubai, ngaipaḵa umibiibil?” Ḵanana ḵan dida, “Te innaḻada ladag Apuḵ ḵad naippun igammuḵ nu dinu nangiggaanda ḵan siya.”

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

Romans 2:3

Yaḵon siḵae anguwis si ḵinalaweng da udume tagu yaḵon ḵingwam os da ḵoḵoḵḵonda, maḵailigsiḵa ḵamman si madusaam ḵan Apudyus?

Ephesians 1:3

Dayawon taḵu'ḵ Apudyus we Aman Jesu Kristu we Apu taḵu we siya bos de Apudyusna te gapu si niyossaanan taḵu ḵan siya, innatodna ḵan ditaḵu da losane naispirituwane bindisyune naḻpu'd langit.

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

Hebrews 7:13

Aḵ Apu taḵu siya nigili mipanggob si padi ye isun ni ḵinapadin Melchizedek. Yaḵon aḵ Jesus daḵampun aḵ naḻpu'tta ganaḵ Levi nu adi naḻpu'tta ganaḵ da nansabasabali ye abeng Israel ḵad adidapun paat nanserbi ye isun di padi si altar.

Hebrews 7:15

Pun napanoḵnoḵane sa ḵinapadin Levi ya sa lintoge inunudda napasantan te ummali sabali ye padi ye isun Melchizedek.

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”

Revelation 5:5

Pune sadi ḵanan ni osa ḵan saḵone angipangpangu, “Adiḵa umibiibil te ilam ḵad awad de ngannonda Lion atta ganaḵ Judah ya sa ganaḵ Ari David. Illogna'ḵ Satan pun awad ḵan siya ḵaḻabbongane alloḵta'tta pitu we maḻḵae nipaḵot si naḻuḵube ḵopel ta buḵyagona.”