Hebrews 7:1 - Sa Ugud Apudyus

¹ Aḵ Melchizedek ḵad, siya ari'd Salem si awe ya osa'tta padin ni Ḵangatuwane Apudyus. Sa ummoy Abraham naḵagubatan, illogna da opate ari. Nangulin ḵad, inabot Melchizedek woḵ bindisyunana.

Hebrews 7:1 ပူးပေါင်းရင်းမြစ်များ

Mark 5:7

Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”

Hebrews 6:20

Ummuna'ḵ Jesus nillumnoḵ si igaw Apudyus we para ḵan ditaḵu. Siya nambalin ḵangatuwane padi taḵu'ḵ ingganae isun ni ḵinapadin Melchizedek.

Hebrews 7:2

Pune sadi, innatod Abraham ḵan Melchizedek da ḵasimpuḻun da losane sinamsamda. Sa pion ni ngadane Melchizedek ḵanan, “arin ni naun-unan” ya siya bos ngannonda “ari'd Salem” we sa piona ḵanan “arin ni lin-awa.”

Hebrews 7:3

Naippun nigili si mipanggob ḵan amana ya aḵ inana ya taḵon ay da danaḵḵoḻna. Ḵad naippun os nigili si niyanaḵana ya sa natoyana. Mipani'ḵ Melchizedek si Abeng Apudyus we sumisissiyae padi'ḵ inggana.

Hebrews 7:6

Yaḵon aḵ Melchizedek taḵon ay nu daḵampun aḵ ganaḵ Levi, inawatna ḵasimpuḻu ḵan Abraham ya binindisyunana te siya inkarina.