Hebrews 6:12 - Sa Ugud Apudyus

¹² Adinipun pione bumaduuḻ ḵayu nu adi miyisu ḵayu oḵyan atta udume gapu'tte pammatida ḵan ḵinaanusda, tawidonda inkarin Apudyus.

Hebrews 6:12 ပူးပေါင်းရင်းမြစ်များ

Matthew 22:32

Ḵanana, ‘Saḵon aḵ Apudyus we Apudyus da Abraham, Isaac ya aḵ Jacob.’ Sa piona ugudon, siya Apudyus da matattagu, daḵampun aḵ Apudyus da natoy.”

Matthew 25:26

“Ḵanan ni Apuna, ‘Lawwelawwengḵa ya badubaduuḻḵae sammilu! Nu inigammume aniyoḵ daḵampun aḵ inayongḵu ya aniyoḵ daḵampun aḵ iyyosoḵḵu,

Luke 16:22

“Natoy ḵad sadi ye ḵapus, innaḻan da anghel woḵ ummoyda innigga si daḻnig Abraham. Natoy ḵad os baḵnang, illibonda,

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Romans 12:11

Adi ḵayu andadauy yaḵon pumangog ḵayu we anserbi ḵan Apu Jesu Kristu.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 4:12

Ḵad siya nambalin aḵ aman da losane Judyu we nasogyatan ya inunudda bos pammatin Abraham atte daanna masogyatan.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

Hebrews 11:33

Mipagapu si pammatida, illogda da ḵagubatdae sabali ye ili, ustu inondae nampangat ya inawatda inkarin Apudyus, pinaginoḵda da lion ta adida ḵotban dida.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

Hebrews 13:7

Iḵagasmoḵyu da ummun-unae nangipangate nangituttudu ḵan diḵayu si Ugud Apudyus. Sosomḵonyu nambanagan ni nantataguda ya inunudyu pammatida.

Hebrews 5:11

Adu da pioḵe ibaga mipanggob atta annae banag yaḵon ansigab aḵ ipaḵaawatḵu ḵan diḵayu te adiḵayupun maḵaawat.

Hebrews 6:15

Gapu ta inan-anusan Abraham inuway, inawatna inkarin Apudyus.

James 1:3

te igammuyu we nu amballigi pammatiyu we allaḵ-am atta adu we padas, ambanag si pumigsaan ni pammatiyu ta anusanyu we angiyattom atta losan.

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.

Revelation 13:10

Da niḵoddonge mibaḻud, aaddi ye mibaḻudda ḵad da niḵoddonge mapatoy si ispada, aaddi ye mapatoyda si ispada. Pun ḵasapuḻane da tagun Apudyus attomanda da losane ampaḵaḻamanda ya ipapatida da pammatida.