Hebrews 5:9 - Sa Ugud Apudyus

⁹ Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

Hebrews 5:9 ပူးပေါင်းရင်းမြစ်များ

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Luke 13:32

Yaḵon ḵanan Jesus ḵan dida, “Inḵayu ibaga si sanate nasiḵape pagatupaḵe amaḻyaw atta aḻan ya angaan atta saḵit da nasaḵit yaḵon daḵampun aḵ manunnuwan te madam-ane gangputoḵ ḵewaaḻḵu.

John 19:30

Sinusup ḵad Jesus ḵilom ḵanana, “Naganggangput.” Pun nayyung-ut woḵ natoy.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

Acts 4:12

Abus aḵ Jesus aḵ Anagu ḵan ditaḵu. Te naippun udum aḵ ngadan si intero we lubung aḵ innatod Apudyus atta tagu'ḵ maḵwae anagu ḵan ditaḵu.”

Acts 5:32

Diḵani da anaḵdoḻ atta sana ya sa Ispiritu Santu we innatod Apudyus atta anuttuwa ḵan siya.”

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

Romans 10:16

Yaḵon adimpun da losane tagu tinuttuwa Ambaḻu we Damag. Te ḵanan Profeta Isaiah, “Apu, ngai da namati'tta imbagabagani?”

Romans 15:18

Te naippun udum aḵ ugudoḵ yaḵon abus da ḵingwan Kristu mipagapu ḵan saḵon aḵ angawis atta Gentil ta tumuttuwada gapu si amatiyanda ḵan Apudyus. Te namatida gapu'tte nantuttuduwaḵ ya da ḵingwaḵ,

Romans 2:8

Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

2 Corinthians 10:5

Dadailonni da gapun ni ansosongbatan da ngaimane ampasindayawe anupod atte angigammuwan da tagu si mipanggob ḵan Apudyus. Ḵad pasantanni da losane somsomoḵ ta tuttuwaonda'ḵ Kristu.

Philippians 2:12

Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 11:40

Te awad de nabaḻu we planun Apudyus para ḵan ditaḵu losan. Sa planuna, buḻun taḵu didae angawat si inkarina ta ambalinona dida'ḵ ippun angkuranganda.

Hebrews 11:8

Gapu si pammatin Abraham, tinuttuwana'ḵ Apudyus si nangayagana ḵan siyae umoy si ili ye inkarin Apudyus ḵan siyae tawidona. Tinenana mismu we ilina taḵon ay nu adinapun igammu nu dinu ayana.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 2:10

Ustu'ḵ Apudyus we nangwa ḵan nangayyuwan atta losan ḵad ḵingwana'ḵ Jesus aḵ gattoḵe pangat mipagapu'tte nampaḵaḻamana te pionae adu da ambalin aḵ abengna ta midogada si ḵinangatuna. Te aḵ Jesus angidaḻan ḵan dida si mataguwanda.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 9:12

Namingsan nillumnoḵ aḵ Kristu si tuttuwae igaw Apudyus ad langit. Ḵad daḵampun aḵ daḻan da kalding ya da ubbun di baḵa ummoyna indatun yaḵon sa mismu we daḻana ta puḵayana ditaḵu si dusan da basuḻ taḵu ya taguwon ditaḵu'ḵ inggana.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Jude 1:21

Popotpotanyu ayat Apudyus ḵan diḵayu si anguuwwayanyu si biyag aḵ inggana'd langite itton Jesu Kristu we Apu taḵu gapu si ḵadaguna.