Hebrews 5:13 - Sa Ugud Apudyus

¹³ Te ngaimane sissiyae iḵataguna gatase sa ummunae tuttudu si Ugud Apudyus, adinapun igammu da tuttudu mipanggob si angunudan si naun-unane antatagu.

Hebrews 5:13 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Romans 2:20

Ḵad ḵananyu bose diḵayu ḵallabbong anuttudu'tta dong-og ḵan anuttudu'tta inaabbeng da somsomoḵda gapu'tte lintoge annat ḵan diḵayu we angigammuwanyu si ustu ḵan ḵatuttuwaan.

1 Corinthians 13:11

Isun ni ḵaban-ogḵu, isun di abeng an-uugudḵu ya ansosomsomoḵḵu ya an-aawatḵu. Sinsadi ye naangsanaḵ, iyyagayḵu'tta inaabbenge ugali.

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 3:1

Yaḵon susunudḵu ḵan Kristu, adiyaḵpun antuttudu ḵan diḵayu we isun da naangsan pammatidae iturayan ni Ispiritu Santu yaḵon antuttuduwaḵ atta tagu'tte lubunge isun da utting atte pammati ḵan Kristu.

2 Corinthians 3:9

Te nu nipaila siling ni dayaw ḵan ḵabooḻan Apudyus si nangittana'tte lintoge amabasuḻ atta tagu, amo mipaila siling ni dayawna ḵan ḵabooḻana gapu si planunae ḵoona da tagu'ḵ maun-unan.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

2 Timothy 3:16

Da losane nigili ye Ugud Apudyus, aḵ Apudyus nangigga si somsomoḵ da nangigili. Ḵad mausar aḵ anuttudu ḵan ditaḵu si ḵatuttuwaan ya angigammuwan atta kamali ḵan basuḻ taḵu, suppaḵana ditaḵu ta ḵasapuḻane baliwan taḵu da lawwenge ugali taḵu ya ḵoona ditaḵu'ḵ maun-unan antatagu taḵu ya ḵoon taḵu da ummun-un,

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

2 John 1:11

Te nu ḵatti ḵoonyu, inon-onanyu si ḵoona.