Hebrews 4:6 - Sa Ugud Apudyus

⁶ Ḵad da ummunae nangngoḻ atte Ambaḻu we Damag we niwaḻagawag ḵan dida, adidapun midoga maḵaillong te adidapun namati. Yaḵon taḵon ay nu ḵatti, awad da udume maḵwae maḵaḻnoḵ.

Hebrews 4:6 ပူးပေါင်းရင်းမြစ်များ

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

1 Corinthians 7:29

Susunudḵu ḵan Kristu, sa pioḵ ibaga ḵan diḵayu daḵampun aḵ iinggaw taḵu sina'd lutae anserbi ḵan Apu Jesus. Pun inggana sinsana diḵayu we naasaw-ane laḻaḵi, ibelangyu we isun di ippun asawayu.

Galatians 3:8

Nipadtu bos atte Ugud Apudyus we gapu'tte pammati, aḵ Apudyus angwa si maun-unan da Gentil si antotollongna te siya pion ni Ambaḻu we Damag ugudon. Sa annae Ambaḻu we Damag, sa naabuse imbagan Apudyus ḵan Abraham we nigili bos atte ugudna. Ḵanana, “Gapu ḵan siḵa, mabindisyunan da tagu'tta losane ili.”

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

Hebrews 4:9

Pun sissiyae awad de maḵaillongan da tagun Apudyus we isun ni ummillongana'tte miḵapitu we aḻgaw.