Hebrews 4:11 - Sa Ugud Apudyus

¹¹ Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 4:11 ပူးပေါင်းရင်းမြစ်များ

Matthew 11:12

Inggan ni nangisaḻdan John we Ambobonyag we nangiwaḻagawag inggana sinsadi, awad da angipatut angiwaḻagawag atte ampangatan Apudyus ya awad os da angipatut midoga'tte ampangatana.

Matthew 7:13

Pinagatupan Jesus woḵ ḵanana, “Angoy ḵayu'tte ansuḻpite lewangan. Te aḻwa lewangan ḵan allasu daḻane umoy ad infiernu, ḵad gapu ta aḻwa ya allasu annae lewangan, adu da angoy.

Luke 13:24

“Iggayu ḵabooḻanyu we lumnoḵ atte ansuḻpite lewangan ad langit atte sissiyae anna gundawayyu. Te dumatong timpu we iyonob ni simboḻoy lewangan ya amod da angipadas lumnoḵ yaḵon annaya ibagaḵ ḵan diḵayu we ippun maḵaḻnoḵ. Taḵon ay nu asi ḵayu anḵugḵug ya ḵananyu, ‘Apu, buḵtam ud lewangan ta lumnoḵ ḵani.’ Asina ḵanan, ‘Ippun igammuḵ ḵan diḵayu ya sa naḻpuwanyu.’

Luke 16:16

“Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

Acts 26:19

“Sadi gapuna Ari Agrippa, impapatiḵ tinuttuwa sadi ye impailan Apudyus ḵan saḵone naḻpu'd langit.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Philippians 2:12

Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

Colossians 3:6

Gapu'tta sana, dida allaḵ-am si ḵaog-ogyate sangan Apudyus atta adipun tumuttuwa gapu si adida amatiyan ḵan siya.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

Hebrews 3:12

Susunudḵu ḵan Kristu, ummanyu ta ippun ambalin aḵ lawweng ḵan diḵayu ya adipun namati ta adiyu an-awidan matattagu we Apudyus.

Hebrews 3:18

Ḵad ngai da nangikariyan Apudyus we adinapun paat paḻonḵone maḵaillong ḵan siya? Daḵampun ḵamman atta adipun tummuttuwa gapu si adidapun amatiyan ḵan siya?

Hebrews 4:6

Ḵad da ummunae nangngoḻ atte Ambaḻu we Damag we niwaḻagawag ḵan dida, adidapun midoga maḵaillong te adidapun namati. Yaḵon taḵon ay nu ḵatti, awad da udume maḵwae maḵaḻnoḵ.

Hebrews 6:11

Ḵad sa pionni, sin-ossaossa ḵan diḵayu ipapatiyu pagatupan namnamayu ta laḵ-amonyu'ḵ inggana si anungusna.

2 Peter 2:6

Dinusan os Apudyus da siyudad ad Sodom ḵan Gomorrah. Te singgobna da tagu ya da ilida inggana'ḵ dummapuḻda ya nambalinona dida'ḵ ampaniyan da adipun amati ḵan siya.