Hebrews 3:7 - Sa Ugud Apudyus

⁷ Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Hebrews 3:7 ပူးပေါင်းရင်းမြစ်များ

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 22:43

Ḵanan os Jesus ḵan dida, “Yaḵon ngaipan Ari David ngannon aḵ Kristu Apuḵ? Te sa imbagana, impaspasmoḵ ni Ispiritu Santu ḵan siyae ḵanana,

Mark 12:36

Te aḵ Ari David we mismu ngannona'ḵ Kristu Apuḵ. Te sa imbagana, impaspasmoḵ ni Ispiritu Santu ḵan siyae ḵanana, “ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’ ”

John 10:16

Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 10:3

Buḵatan ni guwaḻda onob ni lewangan nu angoy antangḵon atta karnero. Dongngon da karnero gingana nu poḵawana da ngadanda ḵad ipuyutna dida'ḵ lasin.

John 5:25

Ibagaḵ ḵan diḵayu ḵatuttuwaan, dummatong timpu we dongngon da natoy gingan ni Abeng Apudyus, ḵad da andongoḻ ya amati mataguda'ḵ inggana.

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

Acts 28:25

Pun ummoyonda, nanggogwada ya nansosongbatda. Yaḵon sa daanda ayonan, iyyanungus Paul ḵanane, “Tuttuwa pagay impaigilin ni Ispiritu Santu ḵan Profeta Isaiah mipanggob atta danaḵḵoḻ taḵu we ḵanana,

Acts 8:29

Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”

Hebrews 10:15

Ḵad sa Ispiritu Santu tinaḵdoḻana ditaḵu. Ummunae ḵanana,

Hebrews 3:13

Yaḵon sa ḵoonyu, inaḻgaw oḵyane an-asisoḻgag ḵayu si awad timpuyu ta ippun maallelaw ḵan diḵayu'ḵ maḵabasuḻ ya tumungitong da somsomoḵyu.

Hebrews 3:15

Ḵaḵna ḵanan ni Ugud Apudyus, “Sinsadi ye aḻgaw, nu dongngonyu Ugudna, adiyu patungitongon da somsomoḵyu we isun da danaḵḵoḻyu we summullagida ḵan Apudyus.”

Hebrews 4:7

Pun nangiḵoddong aḵ Apudyus aḵ osae aḻgawe lumnoḵan da tagu we maḵaillong ḵan siyae ngadanona, “Sinsadi.” Te sa awe adipun da danaḵḵoḻ taḵu nillumnoḵ. Imbagan os Apudyus ḵan Ari David si nigili ye ugudna ḵanane, “Sinsadi, nu dongngonyu Ugudna, adiyu patungitongon da somsomoḵyu.”

Hebrews 9:8

Ḵad gapu'tte sana, impaigammun ni Ispiritu Santu we adipun maḵwae lumnoḵ tagu si Ḵasantuwane kuwartu we igaw Apudyus, nu sissiyae mausar umunae kuwartun ni tulda.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.