Hebrews 3:5 - Sa Ugud Apudyus

⁵ Aḵ Moses tuttuwae mataḻgodane sammilu we nanserbi'tta losane tagu we namati ḵan Apudyus. Ḵad taḵdoḻana da banage ipaigammun Apudyus we maḵwa si umali ye aḻgaw.

Hebrews 3:5 ပူးပေါင်းရင်းမြစ်များ

Matthew 24:45

Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Matthew 25:21

“Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Luke 24:27

Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

Romans 3:21

Yaḵon sinsana, impaigammun Apudyus inonae angwa'tta tagu'ḵ maun-unane daḵampun aḵ mipagapu si anuttuwaanda'tte lintog. Taḵdoḻan ni lintog Moses ya da inggilin da profetan Apudyus mipanggob si anna.

1 Corinthians 4:2

Dallu gay sammilu, ḵasapuḻane mataḻgodan atta losane intaḻgod ni apuna ḵan siya.

1 Timothy 1:12

Anggappiyaaḵ ḵan Jesu Kristu we Apu taḵu we amaḵosdoḻ ḵan saḵon. Te imbelangna saḵon aḵ mataḻgodan woḵ dinutuḵana saḵon aḵ anserbi ḵan siya.

Hebrews 1:1

Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.

Hebrews 3:2

Aḵ Jesus mataḻgodane angwa'tta losane ipaḵwan Apudyus we nandutuḵ ḵan siya. Isuna bos ḵan Moses si awe ye mataḻgodane anserbi'tta losane tagu we namati ḵan Apudyus.

Hebrews 3:4

Te sa boḻoy awad pagay nanaḵad yaḵon aḵ Apudyus nangwa'tta losan.

Hebrews 8:5

Sa ḵewaaḻ da papadi ḵais-isu ḵan aniniwan ni awad ad langit si igaw Apudyus. Te annapune ḵoon oḵyan Moses tuldae andaydayawanda, binagbagaan Apudyus woḵ ḵanana, “Ḵasapuḻane ummam unudon da losan sigun si ḵais-isun ni impailaḵ ḵan siḵa'tte inninggawam si beleg.”

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.