Hebrews 3:3 - Sa Ugud Apudyus

³ Yaḵon nangatngatu'ḵ Jesus nu aḵ Moses. Isun ni nanaḵad atte boḻoye siya madayaw nu sa boḻoye tinaḵadna.

Hebrews 3:3 ပူးပေါင်းရင်းမြစ်များ

Matthew 16:18

Pun ibagaḵ ḵan siḵa, siḵa'ḵ Peter, batu piona ḵanan. Ḵad sa annae labaw ni batu antaḵadaḵ si simbaanḵu we da losane amati ḵan saḵon. Ḵad naippun angngog ḵan dida taḵon ay ḵabooḻan ni ḵatoy, adinapun lamog oḻgon dida.

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

2 Corinthians 3:7

Sa nangittan Apudyus atte lintog ḵan Moses we nigili'tte batu, summiling bosaḻ Moses si siling Apudyus. Ḵad taḵon ay nu maumas siling ni bosaḻna, adipun maḵaitollong da ganaḵ Israel ḵan siya. Nu ḵaḵnat nipailae siling ni dayaw ḵan ḵabooḻan Apudyus si nangittana'tte lintoge ambanag si ḵatoy aḵ inggana,

Colossians 1:18

Siya isun di uḻu taḵu we namati, ḵad ditaḵu isun di long-agna. Ḵad siya bos maḻpuwan ni mataguwan taḵu te siya panguḻu we Abeng Apudyus we ummuli ta ambalin aḵ ḵangatuwan atta losan.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

Hebrews 3:4

Te sa boḻoy awad pagay nanaḵad yaḵon aḵ Apudyus nangwa'tta losan.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.