Hebrews 3:12 - Sa Ugud Apudyus

¹² Susunudḵu ḵan Kristu, ummanyu ta ippun ambalin aḵ lawweng ḵan diḵayu ya adipun namati ta adiyu an-awidan matattagu we Apudyus.

Hebrews 3:12 ပူးပေါင်းရင်းမြစ်များ

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Matthew 24:4

Ḵanan Jesus we summongbat, “Ummanyu ta adi ḵayu maallelaw.

Mark 13:23

Yaḵon ummanyu te inggallapuḵ binagbagaan diḵayu mipanggob atta losane banag si daanda maḵwaan.”

Mark 13:33

Pun ummanyu ya pasig ḵayu naḵasagana te ippun igammuyu nu ḵamaan ni maḵwaanda.

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Luke 21:8

Pun ḵanana, “Ummanyu ta adi ḵayu maallelaw. Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu gapu si ḵanandae ‘Saḵon Kristu,’ ya ḵananda bos, ‘Madam-an dumaḵngan ni sadi ye aḻgawe misaḻdan ni ampangatan Apudyus.’ Yaḵon adiyu unudon dida.

Romans 11:21

Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup?

1 Corinthians 10:12

Pun ngaimane ḵananae ampigsa pammatina ya adipun masulisug, ummana ta adi bumasuḻ.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.

Hebrews 10:31

Ampaḵimut madusa'tte matattagu we Apudyus.

Hebrews 10:38

Sa taguḵe naun-unan, matagu mipagapu'tte pammati, yaḵon nu an-awidana saḵon, adiyaḵpun mas-om ḵan siya.”

Hebrews 12:15

Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.

Hebrews 12:22

Yaḵon ummadani ḵani si beleg Zion ya sa siyudad ni matattagu we Apudyus ya sa baru we Jerusalem we awad ad langite madagudagupan da ḵalibulibu we anghel we andayaw ḵan siya.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

Hebrews 3:10

Pun sadi gapun ni summang-aḵ atta danaḵḵoḻyu woḵ ḵanaḵ, Nan-awidanaḵ ya adiyupun os tinuttuwa da bilinḵu.

Hebrews 3:19

Ḵad inigammu taḵu we adidapun maḵaḻnoḵ atte lugar we umillongane insaganan Apudyus gapu ta adidapun namati.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.