Hebrews 2:9 - Sa Ugud Apudyus

⁹ Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

Hebrews 2:9 ပူးပေါင်းရင်းမြစ်များ

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 6:28

“Ngaipa ḵayu ambinsaw mipanggob atta ansilupyu? Ilanyu ḵad inon da tabbaḵe dumaḵoḻ atta pappayaw, adidapun anḵewaaḻ ya an-aboḻ.

Mark 9:1

Pinagatupan Jesus woḵ ḵanana, “Ibagaḵ ḵan diḵayu ḵatuttuwaan, awad da udum ḵan diḵayu we adidapun yan matoy inggana'ḵ ilanda ḵabooḻan Apudyus si ampangatana.”

Luke 9:27

Yaḵon ibagaḵ ḵan diḵayu ḵatuttuwaan, awad da udum ḵan diḵayu we adipun matoy inggana'ḵ ilanda ampangatan Apudyus.”

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 10:17

“Gapu'tte sana ayaton Amaḵ saḵon te ittoḵ long-agḵu'ḵ matoy ta asiḵ os pauliyon.

John 12:32

Yaḵon nu mipangatuwaḵ atte annae luta, paadaniyoḵ da losane tagu ḵan saḵon.”

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 8:51

Ibagaḵ ḵan diḵayu ḵatuttuwaan, ngaimane anuttuwa'tta ugudḵu, adipun matoy.”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Romans 5:18

Losane tagu madusa gapu'tte basuḻ ni osae tagu. Yaḵon gapu'tte naun-unane ḵingwan Kristu si natoyana para ḵan ditaḵu, sa ambanagana losane tagu aḵ Apudyus angwa si maun-unanda ya awad ḵan dida biyag aḵ inggana.

Romans 5:8

Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

2 Corinthians 5:15

Natoy aḵ para'tta losane tagu ta da matattagu adidapun ogon ḵoon pipion ni long-agda yaḵon sa pinion Kristu we natoy woḵ natagu ḵasin para ḵan dida.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

1 Timothy 2:6

Siya nangitod si biyagna ta masubut da losane tagu atta madusaan da basuḻda. Naḵwa sadi si ustu we timpu we dinutuḵan Apudyus ya sadi nangipail-anae pionae matagu da losane tagu.

Hebrews 1:9

Allaylayadḵa nu ilam da tagu we ḵoonda da naun-unan ya andadauyḵa nu ilam didae angwa'ḵ lawweng. Pun sa Apudyusnu, dinutuḵana siḵa'ḵ maittan aḵ dayaw ḵan amode layad nu da buḻunnu.”

Hebrews 10:5

Annaya gapuna, anna ḵade madam-an umaliyan Kristu si annae lubung, ḵanana ḵan Apudyus, “Daḵampun aḵ siya piom da midatun ya da datun, yaḵon insaganam long-age para ḵan saḵon.

Hebrews 11:5

Mipagapu si pammatin Enoch, adinapun napadasan ḵatoy te innaḻan Apudyus si sissiyae matattagu woḵ adipun naodasan. Ḵanan ni nigili ye Ugud Apudyus, sa daan Apudyus angaḻ-an ḵan Enoch, pinanoḵnoḵanae ḵingwana mas-oman Apudyus.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 2:7

Ḵingwam tagu'ḵ nababa'tte sin-aḵitan nu da anghel pun amo pinadayawam ya pinatgam didae isun ni patog ni ari.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 8:3

Da nadutuḵan aḵ ḵangatuwane padi, dida angidatun atta atod ya da ayame midatun ḵan Apudyus. Gapu ta aḵ Jesu Kristu ḵangatuwane padi taḵu, ḵasapuḻane awad os idatunna ḵan Apudyus.

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.

Revelation 19:12

Sa atana ḵad, isunan gumilgillayabe apuy ya sa uḻuna ḵad, nabaḻangatan atta adu we korona. Ḵad nigili bos ḵan siya ngadanna yaḵon siya abus aḵ angigammu si piona ḵanan.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.