Hebrews 2:3 - Sa Ugud Apudyus

³ Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 2:3 ပူးပေါင်းရင်းမြစ်များ

Matthew 23:33

Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu!

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Mark 1:14

Naabus ḵade nibaḻud aḵ John, nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus.

Luke 1:2

Niyiissu da inggilida'tta dingngoḻni ye inug-uggud da nangila'tte inggan ni lapun ni mipanggob ḵan Jesu Kristu we pinilin Apudyus aḵ Anagu ya An-ari ḵan nangiwaḻagawag os atta ḵingwana.

Luke 1:69

Imbuunna ḵan ditaḵu Anagu we awad de ḵabooḻana, osa'tta ganaḵ Ari David we nanserbi ḵan Apudyus.

Luke 24:19

Ḵanan Jesus, “Ngai ḵad ain da naḵwa?” Summongbatda woḵ ḵananda, “Da naḵwa ḵan Jesus we iNazareth. Siya imbelang Apudyus aḵ profetana ya ḵanan da tagu we siya bos maḵabooḻe angituttudu ya angwa'tta nakaskasdaaw.

John 15:27

Diḵayu ḵad os taḵdoḻanyu te inninggaw ḵayu ḵan saḵon si inggan ni laplapu.”

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Acts 4:12

Abus aḵ Jesus aḵ Anagu ḵan ditaḵu. Te naippun udum aḵ ngadan si intero we lubung aḵ innatod Apudyus atta tagu'ḵ maḵwae anagu ḵan ditaḵu.”

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 2:3

Yaḵon siḵae anguwis si ḵinalaweng da udume tagu yaḵon ḵingwam os da ḵoḵoḵḵonda, maḵailigsiḵa ḵamman si madusaam ḵan Apudyus?

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Thessalonians 5:3

Ḵanan ḵad da tagu, “Allin-awa ḵani ya ippun ambinsawanni,” nadanatong dusae itton Apudyus ḵan didae isuna mapoḵḵatane sumigab buwang ni bubai ye anggumut. Ḵad naippun ossaan aḵ maḵaawid.

1 Timothy 1:15

Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

Titus 2:11

Ḵaḵna oḵyan ugalin da namati te impailan Apudyus ḵinabaḻuna mipagapu'tte nangibuunana ḵan Jesus si annae luta ta taguwona oḵyan da losane tagu'tte madusaanda'tte basuḻ.

Hebrews 1:1

Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

1 John 1:1

Sa annae suḻat, awad de iwaḻagawagni ḵan diḵayu mipanggob atte Ugud we maḻpuwan ni biyag aḵ inggana. Inninggaw ḵan Apudyus we Ama inggan ni laplapu. Nambalin aḵ tagu woḵ inninggaw sina'd luta ḵad mismu we innilani. Dingngoḻni ugudna ya mismu we inappadanni.

Jude 1:17

Yaḵon ḵan diḵayu we ay-ayatoḵe buḻbuḻun, ḵasapuḻane adiyu maliwatan da imbagan da apostol Jesu Kristu we Apu taḵu.

Revelation 7:10

Indangsoḻdae nampoḵaw woḵ ḵananda, “Sa Anagu ḵan ditaḵu, aḵ Apudyus taḵu we sa tutuḵdu'tte trono ya sa Ubbu we Karnero.”