Hebrews 2:17 - Sa Ugud Apudyus

¹⁷ Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 2:17 ပူးပေါင်းရင်းမြစ်များ

Romans 15:17

Pun gapu ta niyossaanaḵ ḵan Jesu Kristu, maḵwae isḵaḻḵu anserbiyaḵ ḵan Apudyus.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Ephesians 2:16

Nan-ossaanon Apudyus da Judyu ya da Gentil we isun di ossaane long-ag ta sa miyossaananda ipaḻ-og Apudyus maḵabuḻbuḻunanda ḵan siya mipagapu'tte natoyan Jesus atte kros woḵ adinapun ogon ḵoon dida'ḵ bumusuḻ ḵan siya ya da udum.

Colossians 1:21

Taḵon ay diḵayu'tte awe, adayu ḵayu ḵan Apudyus ḵad sinullagiyu gapu'tte ḵingwayu ya ansosomsomoḵyu.

Hebrews 10:21

Awad de ḵangatuwane padi taḵu we angayyuwan ḵan ditaḵu we tagun Apudyus.

Hebrews 2:11

Aḵ Jesus we namapoḻḵas atta basuḻ taḵu ya ditaḵu we pinapoḻḵasna, ossaan Ama taḵu we aḵ Apudyus. Ḵad sadi gapunae adimpun Jesus ibaine angawag ḵan ditaḵu'ḵ susunudna.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

Hebrews 2:16

Te nalawage daḵampun atta anghel binadangana yaḵon da ganaḵ Abraham.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

Hebrews 3:2

Aḵ Jesus mataḻgodane angwa'tta losane ipaḵwan Apudyus we nandutuḵ ḵan siya. Isuna bos ḵan Moses si awe ye mataḻgodane anserbi'tta losane tagu we namati ḵan Apudyus.

Hebrews 3:5

Aḵ Moses tuttuwae mataḻgodane sammilu we nanserbi'tta losane tagu we namati ḵan Apudyus. Ḵad taḵdoḻana da banage ipaigammun Apudyus we maḵwa si umali ye aḻgaw.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 5:1

Te sa ḵangatuwane padi napili'tta asintataguna, ḵad siya nadutuḵan aḵ anserbi ḵan Apudyus gapu ḵan dida. Siya angidatun atta losane nansabasabali ye midatun ya da ayame midatun ḵan Apudyus gapu'tta basuḻda.

Hebrews 5:10

Siya dinutuḵan Apudyus aḵ ḵangatuwane padi ye isun ni ḵinapadin Melchizedek.

Hebrews 5:2

Siya ḵad anna bos anḵuyaana ḵad maanusana da ḵabasbassuḻane adidapun igammu we lawweng da ḵooḵoonda.

Hebrews 5:5

Isuna bos ḵan Kristu we daḵampun aḵ intaḻayagna long-agna'ḵ ambalin aḵ ḵangatuwane padi. Yaḵon aḵ Apudyus dinutuḵanae mismu ya siya bos nangibaga ḵan siya ḵanane, “Siḵa Abengḵu, inggana sinsadi saḵon Amam.”

Hebrews 6:20

Ummuna'ḵ Jesus nillumnoḵ si igaw Apudyus we para ḵan ditaḵu. Siya nambalin ḵangatuwane padi taḵu'ḵ ingganae isun ni ḵinapadin Melchizedek.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

Hebrews 7:28

Te sa lintog Moses, awad da tagu we madutuḵan aḵ ḵangatuwane padi, taḵon ay nu anḵuyada. Yaḵon mipagapu si inkarin Apudyus we umun-unud nu sa lintog, dinutuḵana Abengna we ḵangatuwane padi ye ippun basuḻna'ḵ inggainggana.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.

Hebrews 8:3

Da nadutuḵan aḵ ḵangatuwane padi, dida angidatun atta atod ya da ayame midatun ḵan Apudyus. Gapu ta aḵ Jesu Kristu ḵangatuwane padi taḵu, ḵasapuḻane awad os idatunna ḵan Apudyus.

Hebrews 9:11

Yaḵon ummali'ḵ Kristu we ḵangatuwane padi atte amo nabaḻbaḻu we Baru we Tuḻage inggangputna. Siya ḵad, sa anserbiyanae igaw sa tuttuwae igaw Apudyus ad langite nangatngatu ya simbumaḻu nu sa Ḵasantuwane Kuwartu si tulda si awe te sa anserbiyanae igaw daḵampun aḵ ḵingwan di tagu ya naippun si annae lubung.