Hebrews 2:16 - Sa Ugud Apudyus

¹⁶ Te nalawage daḵampun atta anghel binadangana yaḵon da ganaḵ Abraham.

Hebrews 2:16 ပူးပေါင်းရင်းမြစ်များ

Romans 2:25

Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan.

Galatians 3:16

Sinsadi, inkarin Apudyus ḵan Abraham ya sa ganaḵna. Sa ugude ganaḵ atte Ugud Apudyus, daḵampun atta adu we ganaḵ piona ugudon yaḵon sa ossaane ganaḵnae aḵ Kristu.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Hebrews 12:10

Te da aamma taḵu sina'd luta, dinisiplinaanda ditaḵu si sin-aḵitan para'tte simsimmoḵdae ambaḻu. Yaḵon aḵ Apudyus, disiplinaona ditaḵu para'tta bumaḻuwan taḵu ta bumaḻu da ugali taḵu we miyisu ḵan siya.

Hebrews 2:15

ya ḵaḵna inonae namuḵay atta losane tagu we isudan musassu we nabaḻud si inggan ni nataguwanda gapu si ogyatda si ḵatoy.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 6:16

Ankari ḵad osae tagu, isapatana ngadan ni osae tagu we nangatngatu nu siya, ḵad sa sanate kari angipanoḵnoḵ ya angigangput atta losane sosongbat da tagu.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.