Hebrews 2:14 - Sa Ugud Apudyus

¹⁴ Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

Hebrews 2:14 ပူးပေါင်းရင်းမြစ်များ

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 12:24

Ibagaḵ ḵan diḵayu ḵatuttuwaan, sa ossaane buḵoḻ nu adi maottag si luta ya matoy, umoossaan. Yaḵon nu matoy, amunga'ḵ adu.

Romans 14:9

Te natoy ya ummuli'ḵ Jesu Kristu ta siya an-Apun da matattagu ya da natoy.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

1 Corinthians 1:28

Pinilin Apudyus da ibelang da tagu we nababa ya maam-amsew si annae lubung taḵon ay da banage ippun anuna ta dadailona da banage patpatgon da tagu.

1 Corinthians 15:50

Susunudḵu ḵan Kristu, annaya pioḵ ibaga ḵan diḵayu. Sa long-ag taḵu ḵan daḻa taḵu, adidapun gangganason da laḵsunda si midog-anda si ampangatan Apudyus te da long-ag taḵu madadail, adidapun maḵwae midoga'tte igaw da losane matagu'ḵ inggana.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

Colossians 2:15

Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

2 Timothy 1:10

Ḵad sinsana, impaigammuna ḵan ditaḵu sadi ye ḵadaguna te ummali'ḵ Jesu Kristu we anagu ḵan ditaḵu. Ḵinaanna ḵabooḻan ni ḵatoy ḵan impaigammunae nu amati da tagu si Ambaḻu we Damag, awad ḵan dida biyage maḻpu ḵan Apudyus we ippun anungusna.

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 10:5

Annaya gapuna, anna ḵade madam-an umaliyan Kristu si annae lubung, ḵanana ḵan Apudyus, “Daḵampun aḵ siya piom da midatun ya da datun, yaḵon insaganam long-age para ḵan saḵon.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 2:18

Pun sinsadi, gapu ta napadasanae nampaḵaḻam ḵan nasulisug, maḵwae bumadang atta nasulisug ḵan Satan.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 20:2

Pun dinoḵmaana dragone sa nampailae isun di uḻog atte awe ya sa nangngadan os aḵ Satan. Ḵinawadana woḵ imballuna'tte abute ippun patinggan ni ḵaadaḻomna. Naabus ḵad, intuḻbiḵna sawangna ya pinaḵotana'tte maḻḵa ta sinyale adipun maḵwae mabuḵtan ta ippun ogon inonae angallelaw atta tagu'tta ḵinailin di ili inggana'ḵ magangput sillibu we tawon. Maabus ḵad, ḵasapuḻane mapuḵayan ḵasin yaḵon abuse sin-aḵitan.