Hebrews 2:1 - Sa Ugud Apudyus

¹ Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.

Hebrews 2:1 ပူးပေါင်းရင်းမြစ်များ

Matthew 16:9

Sissiya ḵammane adiḵayupun maḵaawat? Naliwatanyu we sa limae tinapay ummanay aḵ ḵinan da limallibu we tagu? Ḵad pigae aḵḵubaw nasawaḻ si dinagupyu?

Mark 8:18

Taḵon ay nu annat da atayu, ḵuḻḵuḻḻaponyu. Taḵon ay os nu annat da ingayu, tuḻtuḻḻongonyu! Naliwatanyu ḵammane

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Luke 9:44

“Adiyu maliwatan da ibagaḵ ḵan diḵayu, saḵone Abeng Di Tagu, mipuḻangaḵ atta ḵabusuḻḵu si umali ye aḻgaw.”

John 8:59

Dingngoḻ ḵad ay da Judyu, nangaḻada'ḵ batu ta batuwonda yaḵon nantaḻu'ḵ Jesus woḵ lummawa si paway ni templo.

Hebrews 12:5

Naliwatanyu ḵamman Ugud Apudyus we anoḻgag ḵan diḵayu we imbelangna'ḵ abengna? Ḵanana, “Abengḵu, andongoḻḵa nu disiplinaon Apu siḵa'tta maḵabasuḻam, adiḵa madismaya nu suppaḵana siḵa.

2 Peter 1:15

Pun iggaḵ ḵabooḻaḵe angibaga'tta sana ta sibotḵu ḵade matoy, pasigyu iḵagasmoḵ da sana.

2 Peter 3:1

Ay-ayatoḵe buḻbuḻun, annaya ḵumagwae suḻatḵu ḵan diḵayu. Ḵad da annae suḻatḵu, awad de impaspasmoḵḵu ḵan diḵayu ta usaronyu da ampoḻḵas ya tuttuwae ḵasomsomḵanyu.