Hebrews 13:9 - Sa Ugud Apudyus

⁹ Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

Hebrews 13:9 ပူးပေါင်းရင်းမြစ်များ

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 24:4

Ḵanan Jesus we summongbat, “Ummanyu ta adi ḵayu maallelaw.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

Acts 20:30

Awad da udum ḵan diḵayu we mismu we asi umali ye ambalinonda ḵatuttuwaan aḵ tinutuli ta awisonda da namati ta mitun-udda ḵan dida.

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 14:2

Awad da udume namati ye angan atta baḻangnae maḵan. Yaḵon awad da anḵuya pammatida ḵad matipoye abus anidada.

Romans 14:6

Sa tagu we patgana osae aḻgaw, ḵoona ḵatti aḵ anayawana ḵan Apudyus. Isun os ni osae angan atta baḻangnae maḵan, ḵanona'ḵ anayawana ḵan Apudyus te anggappiyaana ḵan siya. Ḵad isun os ni adi angan atta baḻangnae maḵan, ḵoona ḵatti'ḵ anayawana ḵan Apudyus te anggappiyaana ḵan siya.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

1 Corinthians 8:8

Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.

2 Corinthians 1:21

Aḵ Apudyus amapigsa si pammati taḵu ḵan Kristu. Ḵad dinutuḵana ditaḵu'ḵ anserbi ḵan siya.

Galatians 6:1

Susunudḵu ḵan Kristu, nu awad maigammu'ḵ buḻunyu'ḵ naḵabasuḻ, ilanyu ude idaḻan ni Ispiritu Santu ta badanganyu ya ampauliyonyu ta ḵoona da ustu we banag. Ambaḻuwonyu we bumadang ḵan siya ya ummanyu ta adi ḵayu masulisug os aḵ bumasuḻ.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Colossians 2:4

Imbagaḵ da anna ḵan diḵayu ta adi ḵayu maallelaw atta nalalainge umallelawe daḵampun aḵ tuttuwa da ibagabagada.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.

2 Thessalonians 2:2

adi oḵyan daguse maḵogway da somsomoḵyu'tta ang-angwa'ḵ ug-uggud ya ibagadae impadtuni baḵon nu insuḻatni ye naabuse dummatong aḻgawe angulinan Apu.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

Jude 1:12

Sa midog-anda ḵan diḵayu nu angan ḵayu ḵan ankumulgar ḵayu dumimoḵda. Ippun paat bainda, lawotda ḵan bartekeroda te sa long-agdae abus sosomḵonda. Mipanida'tta libuu we mibibbibbide ippun udanda. Isuda bos ḵayu we adipun amunga si ustu we amungaana baḵon nu sa ḵayu we naḻangu ya nabagut.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.