Hebrews 13:22 - Sa Ugud Apudyus

²² Susunudḵu ḵan Kristu, ḵodawoḵ ḵan diḵayu ta anusanyu dongngon da annae bagbagaḵe anoḻgag ḵan diḵayu te abobba annae suḻatḵu.

Hebrews 13:22 ပူးပေါင်းရင်းမြစ်များ

Acts 13:15

Nagangput ḵad nibasa lintog Moses ya sa inggilin da profetan Apudyus, nangibuun da papangat ni sinagoga aḵ umoy angibaga ḵan da Paul ḵan Barnabas we ḵananda, “Susunudni ye ganaḵ Israel, nu awad ugudonyu'ḵ masoḻgagan da annae tagu, ibagayu ḵappos.”

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 5:20

Pun sinsadi, isun di aḵ Apudyus we mismu angawis ḵan diḵayu mipagapu'tte angusarana ḵan diḵani ye angituttudu ḵan diḵayu si ugudnae isunan diḵani angiyugud ḵan Kristu. Ḵad gapu ḵan Kristu, iyunudyu ḵappose mipaḻ-og maḵabuḻbuḻunanyu ḵan Apudyus.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Galatians 6:11

Saḵone mismu nangigili si annae anungus ni suḻat. Ilanyu ḵadanaḵḵoḻ ni giliḵ!

Ephesians 3:3

Te impaigammun Apudyus ḵan saḵon planunae adipun nipaigammu si awe ḵad siya annae inggiliḵ si suḻatḵu.

Hebrews 12:5

Naliwatanyu ḵamman Ugud Apudyus we anoḻgag ḵan diḵayu we imbelangna'ḵ abengna? Ḵanana, “Abengḵu, andongoḻḵa nu disiplinaon Apu siḵa'tta maḵabasuḻam, adiḵa madismaya nu suppaḵana siḵa.

Hebrews 13:19

Pun ḵodawoḵ ḵan diḵayu ta ipapatiyu we angiluwaḻu ḵan saḵon ta masapaaḵ oḵyan mipauli ḵan diḵayu.

Hebrews 2:1

Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.