Hebrews 13:20 - Sa Ugud Apudyus

²⁰ Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Hebrews 13:20 ပူးပေါင်းရင်းမြစ်များ

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Mark 14:24

Ḵanan Jesus, “Sana daḻaḵe amanoḵnoḵ atte Baru we Tuḻag Apudyus atta tagu. Nu matoyaḵ, pumoy-as daḻaḵ ta mapakawan da adu we tagu.

Luke 22:20

Naabus ḵade ḵinanda, innaḻana bos sintasae bayase grape woḵ ḵanana, “Sa annae natasae bayas, sana Baru we Tuḻag Apudyus atta tagu we amanoḵnoḵ atte daḻaḵe pumoy-as nu matoyaḵ para ḵan diḵayu.

John 10:11

Ḵanan os Jesus, “Saḵon ambaḻu we antangḵon atta karnero. Sa ambaḻu we antangḵon ittona long-agna'ḵ matoy para'tta tangḵonna.

John 10:14

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

Acts 13:30

Yaḵon tinagun Apudyus.

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 5:30

Sa Apudyus da danaḵḵoḻ taḵu tinaguna'ḵ Jesus we gingngatyu si nangipattoḻanyu'tte kros.

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Romans 10:7

Ḵanan os ni nigili si Ugud Apudyus, “Adiyu bos ḵanan atta somsomoḵyu we ḵasapuḻane awad umoy atte igaw da natoy.” Sa piona ḵanan ta umuli'ḵ Kristu.

Romans 15:33

Oḵyan pos ta iinggaw aḵ Apudyus we naḻpuwan ni lin-awa ḵan diḵayu losan. Amen.

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

1 Corinthians 14:33

Te aḵ Apudyus, daḵampun aḵ piona magulu taḵu we namati yaḵon pionae nauḻnus taḵu. Isun ni maḵmaḵwa'tta losane gimung da tagun Apudyus,

1 Corinthians 15:15

Ḵad daḵampun os aḵ abus sadi te nu adipun aḵ Kristu ummuli, antultulli ḵani si mipanggob ḵan Apudyus. Te intuttuduni ye tinagun Apudyus aḵ Kristu. Yaḵon nu adipun umuli da natoy, adimpun os Apudyus tinagu'ḵ Kristu.

1 Corinthians 6:14

Awad os ḵausaran ni long-ag taḵu si umali ye aḻgaw te aḵ Apudyus taguwona ditaḵu gapu'tte ḵabooḻanae isun ni nanaguwana ḵan Apu.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

2 Corinthians 4:14

Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Ephesians 1:20

impailana si nanaguwana ḵasin ḵan Kristu ya sa nangipangatuwana ḵan siya'd langit woḵ pinatuḵduna si madawinannae maḵapangat ḵan siya.

Philippians 4:9

Da losane inadaḻyu ḵan saḵon, da dingngoḻyu ya innilayu, siya oḵyan pagay pasige unudonyu ya aḵ Apudyus we angitod si lin-awa, siya amuḻun ḵan diḵayu.

Colossians 2:12

Te sa nabonyaganyu, isuyun nidoga nilibon ḵan Kristu. Ḵad mipagapu'tta pammatiyu'tte ḵabooḻan Apudyus we nanagu ḵan siya si natoyana, isun di nidoga ḵayu ḵan siya si ummuliyana.

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

2 Thessalonians 3:16

Oḵyan pos ta aḵ Apu we puun ni lin-awa taḵu, patilayun ose angitod si sanae lin-awa ḵan diḵayu taḵon ay ngai maḵwa. Ḵad pasig oḵyan ose iinggaw ḵan diḵayu losan.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Hebrews 9:20

Pune sadi, ḵanana, “Sa annae daḻa siya amanoḵnoḵ si intuḻag Apudyus ḵan diḵayu we imbilinnae ḵasapuḻane tuttuwaonyu.”

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.