Hebrews 13:12 - Sa Ugud Apudyus

¹² Ḵad isuna bos naḵwa ḵan Jesus we natoy atte lasin ni ili ta papoḻḵasona da tagu'tta basuḻda mipagapu'tte mismu we daḻana.

Hebrews 13:12 ပူးပေါင်းရင်းမြစ်များ

Luke 4:29

Pun summiḵadda woḵ binutbutda illawa'ḵ Jesus atte lasin ni ilida woḵ intallayda'tte igid ni tagudtude ummiliyanda ta umoyda ottagon atte angit.

John 17:19

Gapu ḵan dida, itotoḵḵonḵu long-agḵu ḵan siḵa ta mitotoḵḵonda bose anserbi ḵan siḵa mipagapu'tte ḵatuttuwaan.

John 19:34

Yaḵon sa osa'tta suḻdadu, dinuy-uḵna si tubay butiḵ Jesus woḵ daguse pummoy-as daḻa ḵan danum.

Acts 7:58

woḵ niluyluyda intallay si lasin ni siyudad ta batubatuwonda inggana'ḵ matoy. Da nanaḵdoḻe namabasuḻ ḵan siya, intabunuda da taḵḵop da silupda'tte sinagung ni babaḻu we nangngadan aḵ Saul.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Hebrews 2:11

Aḵ Jesus we namapoḻḵas atta basuḻ taḵu ya ditaḵu we pinapoḻḵasna, ossaan Ama taḵu we aḵ Apudyus. Ḵad sadi gapunae adimpun Jesus ibaine angawag ḵan ditaḵu'ḵ susunudna.

Revelation 14:20

Pune sadi, naasot da binuḻasanae grape atte aassotane awad atte lasin ni siyudad. Pun nan-ayus daḻae naḻpu si aassotan da de grape atte tuḻunggasut ya duwampuḻu we kilomitro ḵaanduna ya ḵigad atte bagang ni ḵabayu ḵaadaḻomna.