Hebrews 12:28 - Sa Ugud Apudyus

²⁸ Pun anggappiya taḵu ḵan Apudyus te midoga taḵu si ampangatanae adipun mayugayug. Ḵad dayawon taḵu'tte mas-omana ya patgan taḵu ḵan isipog taḵu.

Hebrews 12:28 ပူးပေါင်းရင်းမြစ်များ

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Luke 1:33

Pun ipangatana da ganaḵ Israel aḵ inggana. Te naippun patinggan ni ampangatana.”

Romans 11:20

Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu.

Ephesians 1:6

Pun dayawon taḵu'ḵ Apudyus gapu si nakaskasdaawe ḵinabaḻu we pasigna impaila ḵan ditaḵu we niyossaan ḵan Kristu we ay-ayatonae abengna.

Ephesians 5:10

Padasonyu oḵyan adaḻon da mas-oman Apu ya ḵoonyu dida.

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

Hebrews 10:19

Pun susunudḵu ḵan Kristu, napuḵayan taḵu we lumnoḵ si tuttuwae igaw Apudyus we isun ni Ḵasantuwane Kuwartu atte tulda si awe te napakawan da basuḻ taḵu mipagapu ḵan Jesu Kristu we natoy para ḵan ditaḵu si pummoy-asan ni daḻana.

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 4:16

Ḵad antaḻgod taḵu we umadani alluwaḻu ḵan Apudyus we ampangat ad langit gapu'tte ḵinabaḻuna ta awaton taḵu ḵadagu ḵan ḵinabaḻu ḵan siyae bumadang ḵan ditaḵu si timpu we anḵasapuḻ taḵu.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

1 Peter 1:17

Sosomḵonyu anna, aḵ Apudyus we bigbigonyu we Ama, ippun laḵsigona nu anḵuwis. Ḵad ḵuwisona da losane tagu sigun si ḵingwan ni sin-ossaossa. Pun ḵasapuḻane isipogyu ya dayawonyu si sanae mabiyaganyu we isun di ḵaili si annae lubung.

1 Peter 2:20

Ippun labbong ni tagu we madayaw nu anuanusana iyattom dusa gapu'tte ḵingwanae lawweng. Yaḵon nu ampaḵaḻamon diḵayu'tta angwaanyu si ambaḻu ya inan-anusanyu, mas-om aḵ Apudyus ḵan diḵayu.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

Revelation 1:6

Ḵad indogana ditaḵu si ampangatana woḵ ḵingwana ditaḵu'ḵ papadi ye anserbi ḵan Apudyus we Apudyusna ya Amana. Aḵ Jesu Kristu oḵyan madaydayaw ya ampangat aḵ inggainggana. Amen.

Revelation 15:4

Naippun adi angisipog ḵan siḵa, Apu. Ḵad naippun adi angidayaw si ḵinangatun ni ngadannu. Te siḵa abus aḵ gattoḵe nasantuwan. Ḵad da tagu we maḻpu'tta losane ili, madagupda'tte sinagungnu ta idaydayawda siḵa te innilada da losane naun-unane ḵingwam.”

Revelation 5:10

Ḵad indogam dida si ampangatam woḵ ḵingwam dida'ḵ papadi ye anserbi si Apudyus taḵu ya midogada ḵan siḵa ampangat sina'd luta.”