Hebrews 12:27 - Sa Ugud Apudyus

²⁷ Sa piona ḵanan, maḵaan da losane ḵingwanae mayugayug ḵad iinggaw da adipun mayugayug.

Hebrews 12:27 ပူးပေါင်းရင်းမြစ်များ

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

Romans 8:19

Te da losane ḵingwan Apudyus, uuwayonda timpu we angipail-an Apudyus atte ḵinangatun da abengna.

Romans 8:21

te sa umali ye aḻgaw pinanggob Apudyus we mapuḵayan da losane ḵingwana si ḵabooḻan ni lopos ya sa ḵatoy ta midogada si ambaḻu we antatagun da abeng Apudyus.

1 Corinthians 7:31

Ḵad da angusar atta nainlubungane banag, daḵampun oḵyan aḵ sanat da isisimoḵda. Te sa ḵasasaad si annae lubung madam-an amungtu.

Hebrews 1:10

Ḵanana bos, “Inggan ni laplapuna, siḵa Apu we nangwa si annae lubung ya da losane awad ad langit.

Hebrews 13:14

Te daḵampun si annae lubung inggawan taḵu'ḵ inggana yaḵon siya singsington taḵu siyudade inggawan taḵu si umali ye aḻgaw.

Hebrews 9:11

Yaḵon ummali'ḵ Kristu we ḵangatuwane padi atte amo nabaḻbaḻu we Baru we Tuḻage inggangputna. Siya ḵad, sa anserbiyanae igaw sa tuttuwae igaw Apudyus ad langite nangatngatu ya simbumaḻu nu sa Ḵasantuwane Kuwartu si tulda si awe te sa anserbiyanae igaw daḵampun aḵ ḵingwan di tagu ya naippun si annae lubung.

Revelation 11:15

Nagangput ḵad nanangguyub ḵumapitu we anghel, inninggaw da andangsoḻe ginga'd langite ḵananda, “Inggana sinsadi, naippun udum aḵ maḵwae angipangat atte lubung malaksid aḵ Apu taḵu we Apudyus ya sa Kristu we imbuunna ya ippun anungus ni ampangatana.”

Revelation 21:1

Pun innilaḵ baru we langit ya sa baru we luta te sa ummunae langit ya sa ummunae luta, nawawanda ya sa baybay naippun os ogon.

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”

Revelation 21:5

Pun ḵanan ni tummuḵdu'tte trono, “Ilam, pabaruwoḵ da losane awad.” Ḵanana bos ḵan saḵon, “Igilim da annae imbagaḵ te mataḻgodanda ya tuttuwada.”