Hebrews 12:24 - Sa Ugud Apudyus

²⁴ Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 12:24 ပူးပေါင်းရင်းမြစ်များ

Matthew 23:35

Pun madusa ḵayu gapu'tte nagongatan da naun-unane tagu misaḻad atte nangongatanda ḵan Abel we ambaḻu inggana'tte nangongatanda ḵan Zechariah we abeng Barachiah we gingngat da danaḵḵoḻyu si nambootan ni altar ya sa templo.

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Mark 14:24

Ḵanan Jesus, “Sana daḻaḵe amanoḵnoḵ atte Baru we Tuḻag Apudyus atta tagu. Nu matoyaḵ, pumoy-as daḻaḵ ta mapakawan da adu we tagu.

Luke 11:51

On, da losane profeta, misaḻad atte nangongatanda ḵan Abel inggana'tte nangongatanda ḵan Zechariah we gingngatda'tte nambootan ni altar ḵan templo. Annaya ibagaḵ ḵan diḵayu, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.

Luke 22:20

Naabus ḵade ḵinanda, innaḻana bos sintasae bayase grape woḵ ḵanana, “Sa annae natasae bayas, sana Baru we Tuḻag Apudyus atta tagu we amanoḵnoḵ atte daḻaḵe pumoy-as nu matoyaḵ para ḵan diḵayu.

Galatians 3:20

Yaḵon sa inkarina ḵan Abraham, adinapun ḵasapuḻane awad angiyugud yaḵon siyae mismu ummoy nangibaga.

1 Timothy 2:5

Te ossaan aḵ Apudyus ḵan ossaan os angiyugud ḵan Apudyus ya da tagu. Siya'ḵ Jesu Kristu we nambalin aḵ tagu.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 11:28

Gapu'tte pammatina, insaḻadna Gayagayae ngannonda Nallausan. Pun binilinna da buḻunnae Judyu we waḻsiyanda si daḻan ni karnero da ngatun da onob da boḻoyda ta lumaus ḵad anghel ni ḵatoy adinapun gongaton da panguḻu we abenge laḻaḵi.

Hebrews 11:4

Mipagapu si pammatin Abel, naḵaay-ayu indatunnae datun ḵan Apudyus nu sa datun Cain. Gapu si pammatina, imbelang Apudyus aḵ naun-unan te inawatna indatun Abel. Ḵad taḵon ay nu natoy sissiyae an-ugud gapu si pammatina.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Hebrews 7:22

Gapu'tte annae inkarina, aḵ Jesus ambaline angitaḵdoḻ atte nabaḻu we tuḻag Apudyus atta tagu nu sa dadaan.

Hebrews 8:13

Sa imbagan Apudyus mipanggob si Baru we Tuḻag, imbelangna ummunae tuḻag aḵ dadaan. Ḵad ngaimane dadaan ya ippun serbina mawawan.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.

Hebrews 8:8

Yaḵon igammun Apudyus we awad de nangkurangan da tagu te ḵanan ni nigili si Ugudna, “Ḵanan Apu we dumatong timpu we angwaaḵ aḵ baru we tuḻag atta ganaḵ Israel ya da iJudah.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.

Hebrews 9:19

Te ginangput ḵad Moses impaigammu da bilin ni Lintog Apudyus atta tagu, nangaḻa'tte daḻan ni ubbun di baḵa ya sa daḻan ni kalding woḵ inḵamosna si danum. Pun nangaḻa'tte pangan ni hyssop woḵ intaḵodna dilaage dutdut ni karnero woḵ niwaḻsiyana iblun ni lintog ya da losane tagu.

Hebrews 9:21

Pun niwaḻsiyan os Moses si daḻa tulda ya da losane mausar si andaydayawanda.

1 Peter 1:2

Pinilin Apudyus we Ama diḵayu mibatay si gagangaye inigammuna woḵ intotoḵḵon diḵayu'ḵ taguna ta bumaḻu ugaliyu mipagapu'tte Ispiritu Santu ta tumuttuwa ḵayu gapu si amatiyanyu ḵan Jesu Kristu ya pumoḻḵas ḵayu mipagapu'tte daḻana si natoyana. Awad oḵyan ḵan diḵayu amode ḵinabaḻu ḵan lin-awae maḻpu ḵan Apudyus.