Hebrews 12:15 - Sa Ugud Apudyus

¹⁵ Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.

Hebrews 12:15 ပူးပေါင်းရင်းမြစ်များ

Luke 22:32

Yaḵon illuwaḻuwaḵ siḵa Simon ta adi pammatim maabaḵ ḵad nu ansagungḵa ḵan saḵon, ḵasapuḻane papigsaom oḵyan pammatin da susunudnu we namati.”

1 Corinthians 10:12

Pun ngaimane ḵananae ampigsa pammatina ya adipun masulisug, ummana ta adi bumasuḻ.

1 Corinthians 13:8

Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana.

1 Corinthians 15:33

Yaḵon adi ḵayu maallelaw atta ḵassadi te tinutuli. Ḵad tuttuwa ḵanandae, “Nu maḵabuḻbuḻun taḵu'tta tagu, maalisan taḵu'tta maḵadadaile ugalida.”

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

2 Corinthians 13:5

Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Galatians 2:13

Ḵad da udume namati ye Judyu, inunudda bos ḵingwan Peter taḵon ay nu losanda inigammu we daḵampun aḵ ustu ḵoonda. Taḵon ay aḵ Barnabas, naawis woḵ unudona dida.

Galatians 5:4

Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus.

Ephesians 5:3

Pun adiyu oḵyan ḵoon da ḵababbain ya adiyu bos ḵoon da udume kalasin di ḵaissawe banag. Adiyu bos ḵamommodon da daḵampun aḵ ḵuwayu. Ḵad naippun oḵyan os maugudanyu we tagun Apudyus atta ḵassanae banag.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Titus 1:15

Da tagu we pinapoḻḵas Apudyus atte nangaanana'tta basuḻda, losane banag ḵawagase mibelangda'ḵ ampoḻḵas piona ḵanan maḵwae ḵanonda baḵon nu usaronda dida. Yaḵon da tagu we adimpun Apudyus pinapoḻḵas ḵan adipun amati, losane banag mibelangda'ḵ ḵaissaw. Adidapun lamog imatunan lawweng ḵan ambaḻu ya sa somsomoḵda adipun lawweng nu ḵoonda lawweng.

Hebrews 3:12

Susunudḵu ḵan Kristu, ummanyu ta ippun ambalin aḵ lawweng ḵan diḵayu ya adipun namati ta adiyu an-awidan matattagu we Apudyus.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 6:11

Ḵad sa pionni, sin-ossaossa ḵan diḵayu ipapatiyu pagatupan namnamayu ta laḵ-amonyu'ḵ inggana si anungusna.

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

2 Peter 3:11

Nu ḵaḵna madadailan da sanae losane banag, sa antataguyu pasig oḵyan ambaḻu ugaliyu ya naapudyusan

2 Peter 3:14

Pun ay-ayatoḵe buḻbuḻun, gapu ta sana uuwayon taḵu, igga taḵu ḵabooḻan taḵu ta pumoḻḵas taḵu ya ippun ḵadellawan taḵu'tte antotollong Apudyus ya allin-awa maḵabuḻbuḻunan taḵu ḵan siya.

2 John 1:8

Ummanyu ta adiyu taḻaḵon da ḵinewaaḻyu yaḵon gun-udonyu da losane gunguna.