Hebrews 12:13 - Sa Ugud Apudyus

¹³ Pasigyu ayon nanggodonge daḻan ta da ḵummuya da pammatida awad ambaḻu'ḵ ampaniyanda unudon ya adi amo ambalin ḵumuya pammatida yaḵon amo pumigsa ḵasin.

Hebrews 12:13 ပူးပေါင်းရင်းမြစ်များ

Luke 3:5

Sana da ḵoonyu. Panadonyu oḵyan da beleg ya da tagudtud, piluganyu da dummallug ta tumanap, pagodongonyu da nampiḵḵupiḵḵu, ya panadonyu da ateḵḵeteḵḵe.

Galatians 2:14

Yaḵon innilaḵ sumullagi si ḵatuttuwaan ni Ambaḻu we Damag we ḵoonda, ḵanaḵ ḵan Peter si sinagung da losan, “Taḵon ay nu Judyuḵa, nalligligammuḵa si udume ugalin da Judyu we isun di daḵanḵapun aḵ Judyu. Ḵad nu ḵingwam ḵatti, ngaipam os ay ipatut paunud atta Gentil ugali taḵu?”

Galatians 6:1

Susunudḵu ḵan Kristu, nu awad maigammu'ḵ buḻunyu'ḵ naḵabasuḻ, ilanyu ude idaḻan ni Ispiritu Santu ta badanganyu ya ampauliyonyu ta ḵoona da ustu we banag. Ambaḻuwonyu we bumadang ḵan siya ya ummanyu ta adi ḵayu masulisug os aḵ bumasuḻ.

James 5:16

Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.