Hebrews 11:6 - Sa Ugud Apudyus

⁶ Ḵad nu ippun pammatin ni osae tagu, adipun paat mas-om aḵ Apudyus ḵan siya. Te ngaimane umadani ḵan Apudyus, ḵasapuḻane patiyonae gungunaana da angngit ḵan siya.

Hebrews 11:6 ပူးပေါင်းရင်းမြစ်များ

Matthew 11:26

On, ḵingwam ḵaḵna te siya piniom.”

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Mark 16:17

Annaya da nakaskasdaawe sinyale ipailan da amati. Paḻyawonda da aḻan si angusaranda'tte ngadanḵu ya an-uguda'tta udume ugude adidapun igammu.

Luke 12:31

Yaḵon unaonyu ḵuttuḵuttumon ampangatan Apudyus woḵ ittona da ḵasapuḻanyu.

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 8:24

Ḵanaḵe nangibaga ḵan diḵayu, ‘Matoy ḵayu we adipun napakawan da basuḻyu nu adi ḵayu amati ye saḵone mismu sadi ye imbagaḵ.’ ”

Romans 10:14

Yaḵon ngai inon da tagu we anḵodaw aḵ ḵadagu ḵan Apu nu adida amati ḵan siya? Ḵad ngai inondae amati nu adidapun dingngoḻ? Ḵad ngai inonda bose andongoḻ nu naippun umoy angiwaḻagawag?

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

Hebrews 11:26

Imbelangnae napatpatog aḵ adayu ampaḵaḻam gapu ḵan Kristu nu sa losane ḵinabaḵnang ad Egypt te siya sosomḵona gunguna si umali ye aḻgaw.

Hebrews 3:12

Susunudḵu ḵan Kristu, ummanyu ta ippun ambalin aḵ lawweng ḵan diḵayu ya adipun namati ta adiyu an-awidan matattagu we Apudyus.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

Hebrews 4:6

Ḵad da ummunae nangngoḻ atte Ambaḻu we Damag we niwaḻagawag ḵan dida, adidapun midoga maḵaillong te adidapun namati. Yaḵon taḵon ay nu ḵatti, awad da udume maḵwae maḵaḻnoḵ.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.

2 Peter 1:5

Ḵad gapu'tte sana, iggayu ḵabooḻanyu ta idogayu si pammatiyu ambaḻu we ugali ḵad sa ambaḻu we ugali, dog-anyu si angigammuwanyu si mipanggob ḵan Apudyus.

2 Peter 3:14

Pun ay-ayatoḵe buḻbuḻun, gapu ta sana uuwayon taḵu, igga taḵu ḵabooḻan taḵu ta pumoḻḵas taḵu ya ippun ḵadellawan taḵu'tte antotollong Apudyus ya allin-awa maḵabuḻbuḻunan taḵu ḵan siya.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”