Hebrews 11:40 - Sa Ugud Apudyus

⁴⁰ Te awad de nabaḻu we planun Apudyus para ḵan ditaḵu losan. Sa planuna, buḻun taḵu didae angawat si inkarina ta ambalinona dida'ḵ ippun angkuranganda.

Hebrews 11:40 ပူးပေါင်းရင်းမြစ်များ

Hebrews 11:16

Yaḵon siya amaamayonda nabaḻu we ili ye siya'd langit. Pun sadi gapunae adipun mabain aḵ Apudyus si awaganda'ḵ Apudyusda te insaganaana dida'ḵ siyudad ad langit.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

Hebrews 7:22

Gapu'tte annae inkarina, aḵ Jesus ambaline angitaḵdoḻ atte nabaḻu we tuḻag Apudyus atta tagu nu sa dadaan.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.

Hebrews 9:23

Ḵad losan atta sanae banag isun di iglatun da awad ad langit, ḵad ḵasapuḻane pumoḻḵasda gapu'tte ḵatti ye datun. Yaḵon da awad ad langit, ḵasapuḻane pumoḻḵasdae nabaḻbaḻu we midatun nu da anna.

Revelation 6:11

Pun naittan da sadi ye ḵalidodwa si itaḵe langgoyode silup. Ḵad nibaga ḵan didae an-illongda yan aḵ sin-aḵitan inggana'ḵ maganggangput belang da susunudda ḵan Kristu we anserbi ḵan Apudyus we patoyon da tagu we isun os ni napatoyanda.