Hebrews 11:4 - Sa Ugud Apudyus

⁴ Mipagapu si pammatin Abel, naḵaay-ayu indatunnae datun ḵan Apudyus nu sa datun Cain. Gapu si pammatina, imbelang Apudyus aḵ naun-unan te inawatna indatun Abel. Ḵad taḵon ay nu natoy sissiyae an-ugud gapu si pammatina.

Hebrews 11:4 ပူးပေါင်းရင်းမြစ်များ

Matthew 23:35

Pun madusa ḵayu gapu'tte nagongatan da naun-unane tagu misaḻad atte nangongatanda ḵan Abel we ambaḻu inggana'tte nangongatanda ḵan Zechariah we abeng Barachiah we gingngat da danaḵḵoḻyu si nambootan ni altar ya sa templo.

Luke 11:51

On, da losane profeta, misaḻad atte nangongatanda ḵan Abel inggana'tte nangongatanda ḵan Zechariah we gingngatda'tte nambootan ni altar ḵan templo. Annaya ibagaḵ ḵan diḵayu, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Hebrews 11:2

Gapu si pammatin da danaḵḵoḻ taḵu si awe, inawatdae inon-onan Apudyus dida.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 5:1

Te sa ḵangatuwane padi napili'tta asintataguna, ḵad siya nadutuḵan aḵ anserbi ḵan Apudyus gapu ḵan dida. Siya angidatun atta losane nansabasabali ye midatun ya da ayame midatun ḵan Apudyus gapu'tta basuḻda.

Hebrews 9:22

Sa ḵatuttuwaan, ḵanan ni lintoge tigangay ta losane banag ḵasapuḻane papoḻḵason ni daḻa, ḵad nu ippun pumoy-as aḵ daḻa, ippun os mapakawan aḵ basuḻ.

Jude 1:11

Ḵaddaguda te gattoḵe ampaḵimut dusada! Te unudonda lawwenge ugalin Cain, ḵad sa basuḻda isuna basuḻ Balaam we ḵamommod si pilaḵ ya sullagiyonda bos da angipangpangu ḵan didae isun ni ḵingwan Korah ḵan Moses atte awe. Gapu'tta ḵoḵoḵḵonda, madusada'ḵ ingganae isun ni dusan Korah.