Hebrews 11:37 - Sa Ugud Apudyus

³⁷ Nabatubatu da udum inggana'ḵ natoyda, nalagadi da udume nanḵagwada. Natoy da udum si ispada. Nansilupda'tta ḵublit da karnero ḵan kalding. Ḵapusda, nampaḵapaḵaḻamda ya naam-amesda.

Hebrews 11:37 ပူးပေါင်းရင်းမြစ်များ

Matthew 21:35

Yaḵon dummatong ḵad da sammiluna, dinoḵmaan da gumagammole da sammiluna woḵ inap-aplitda osa ḵan dida, gingngatda osa woḵ binatubatuda osa.

Matthew 3:4

Sa silup John naaboḻe dutdut di camel ya laḻat taḵyadna. Ḵad dudun ḵan dilu ḵanoḵanona.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Luke 13:34

Pune sadi ḵanan Jesus, “Atoḵayupaye iJerusalem, diḵayu nanggongat atta profeta ḵan namatubatu'tta imbuunna! Nangampigae pioḵ dagupon diḵayu ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

2 Corinthians 12:10

Gapu ḵan Kristu, mat-opaḵ atta ḵinaḵuyaḵ, nan-ugudanda saḵon aḵ lawweng, ampaḵaḻamaḵ, ampaḵaḻamonaḵ ya napadasḵu da udume ḵaog-ogyate naḵwa. Te nu ḵumuyaaḵ, amo paḵosdoḻon Kristu saḵon.

Hebrews 11:25

Siya piona midoga ampaḵaḻam atta tagun Apudyus nu sa maḵagangganas si sin-aḵitane gangganase maḵabasuḻan.

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”